Vaidyakasaroddhara 1.p86

1.p86

atha sannipāte— lakṣmīvilāso rasaḥ palaṃ vamrābhracūrṇasya, tadarddhaṃ ramagandhake | tadarddhamapi karpūraṃ, jātikoṣaphale tathā || vṛddhadārakabījañca, bīja' dhusturakasya ca | trailokyavijayābījaṃ, vidārimūlamevaca || nārāyaṇī, balāmūlaṃ, tathā nāgabalāpi ca | bījaṃ gokṣurakasyāpi, bījaṃ hijalakasya ca || pratyekaṃ kārṣikaṃ cūrṇaṃ, nāgavallīrasaiḥ punaḥ | niṣpiṣya vaṭikā kāryā, triguñjā phalamānataḥ || nihanti sannipātotthān gadān ghorān sudāruṇān | vātikān paittikāṃścaiva, nāstyatra niyamaḥ kaścit || kuṣṭhamaṣṭādaśavidhaṃ, pramehān viṃśatintathā | nār̤īvraṇaṃ vraṇaṃ ghoraṃ, gudāmayabhagandarān || ślīpadaṃ kaphavātotthaṃ cirajaṃ kulasambhavam | galaśothamantravṛddhimatisārasudāruṇam | medogataṃ dhātugataṃ nihanti ca na saṃśayaḥ || kāsapinasayakṣmārrśaḥ, sthaulyaṃdaurgandhyavāntijit | āmavātaṃ sarvarūpaṃ, jihvāstambhaṃ galagraham || udaraṃ karṇanāsākṣimukhavaijāḍyamevaca | sarvaśūlaṃ śiraḥśūlaṃ, strīṇāṃ gadaniṣūdanam || guṭikāṃ prātarekaikāṃ, khādennityaṃ yathābalam | anupānamidaṃ proktaṃ, māṃsaṃ piṣṭaṃ payodadhi || vāribhaktaṃ surāsidhu, sevanāt kāmarūpadhṛk | vṛddho'pyatta raṇasparddhī, na ca śukrakṣayobhavet || na ca liṅgasya śaithilyaṃ, na keśā yānti pakvatām | nityaṃ gacchet śatastrīṇāṃ, mattavāraṇavikramaḥ || dvilakṣyojanadṛṣṭirjāyate pauṣṭikaḥ paraḥ | rasolakṣmīvilāsastu, vāsudeva jagatpatau || proktaḥ prayogarājo'yaṃ nāradena mahātmana, | abhyāsādasya bhagavān, lakṣanārīṣu vallabhaḥ