Vaidyakasaroddhara 1.p87

1.p87

athātra granthāntare— lakṣmīvilāsaḥ gṛhītvā śubhanakṣatre, palaṃvajrābhracūrṇakam | rasagandhakakarpū rajātikoṣaphaletathā || pṛthak dvikārṣikaṃ grāhyamanyeṣāṃ kārṣikaṃ matam | vṛddhadārakavījañca, vījamunmattakasya ca | trailokyavijayāvījaṃ, vidārikandameva ca || nārāyaṇī tathā nāgavalla nātivalā tathā | vījaṃ gokṣurakasyāpi hijjalaṃ vījameva ca || eteṣāṃ ślakṣṇacūrṇāni, ghṛṣṭvā parṇarase punaḥ | niṣpiṣya vaṭikā kāryyā, triguñjāṃsamamānataḥ || nihanti sannipātotthān gadān ghorān sudāruṇān || bhairaveśvarorasaḥ dvau bhāgau maricasyāpi, bhāgaikamamṛtasya ca | arddhabhāgaṃ varāṭañca jalena vaṭikāṃ kuru || bhairaveśvaranāmāyaṃ śleṣmaṇāṃ kulanāśanaḥ | śiraḥśūleṣu sarveṣu, nasyaṃ dadyād vicakṣaṇaḥ || sannipāte mahāghore pippalīcūrṇasaṃyutām | vaṭikāṃ dattamātreṇa mukto bhavati nānyathā