Vaidyakasaroddhara 2.p319
Vaidyakasāroddhāra 2.p319
- Language
- Sanskrit
2.p319
pānīyakalyāṇakaṃ ghṛtam viśālā-triphalā-kauntī-devadārṣvelavālukam | sthirā-nataṃ rajanyo dve śārive dve priyaṅgukā || nīlotpalolāmañjiṣṭhā-dantīdār̤imakeśaram | tālīśapatraṃ bṛhatī-mālatyāḥ kusumaṃ navam || viḍaṅgaṃ pṛśnīparṇī ca kuṣṭhaṃ candana-padmakau | aṣṭāviṃśatibhiḥ kalkairetairakṣasamanvitaiḥ || caturguṇaṃ jalaṃ datvā ghṛtaprasthaṃ vipācayet | apasmāre jvare kāse śothe mandānale kṣaye | vātarakte pratiśyāye tṛtīyaka-caturthake || vamyarśomūtrakṛcchreṣu visarpopahateṣu ca | kaṇḍūpāṇḍvāmayonmāde viṣamehagareṣu ca || bhūtopahatacittānāṃ gadgadānāṃmaretasām | śastaṃ strīṇāñca bandhyānāmāyurvvarṇabalapradam | alakṣmī-pāparakṣoghnaṃ sarvvagrahavināśanam | kalyāṇakamidaṃ sarpiḥ śreṣṭhaṃ puṃsavaneṣu ca || dvijalaṃ sa catuḥkṣīraṃ kṣīrakalyāṇakamidam || kṣīrakalyāṇakaghṛtam
Linked texts (4)
- Cakradatta (Cikitsāsaṅgraha) — Cakrapāṇidatta, Sanskrit
- Cikitsāsārasaṅgraha (Vaṅgasena) — Vaṅgasena, Sanskrit
- Vīrasiṃha — Bhoja, Sanskrit
- Vīrasiṃhāvaloka — Vīrasiṃha, Sanskrit