Virasimha 4.p22.4
Vīrasiṃha 4.p22.4
- Language
- Sanskrit
4.p22.4
iti mahādhūpavaraḥ | kalyāṇakaṃ prayuṃjīta mahadvā caitasaṃ ghṛtam | tailaṃ nārāyaṇaṃ vāpi mahannārāyaṇaṃ tathā || atha carakātkalyāṇamahākalyāṇaghṛte | viśālā triphalā kauṃtī devadārvelavālukam || sthirānaṃtā hāridre dve sārive dve priyaṃgukā | nīlotpalailā maṃniṣṭhā daṃtī dāḍimakesaram || tālīsapatraṃ bṛhatī mālatīkusumaṃ navam | viḍaṃgaṃ pṛṣṭiparṇī ca kuṣṭhaṃ caṃdanapadmakau || etaiḥ karṣasamaiḥ kalkairviśatyaṣṭābhirevaca | jale caturguṇe pakkā ghṛtaprasthaṃ prayojayet || apasmārejvare kāse śoṣe maṃdānale kṣaye | vātarakte pratiśyāye tṛtīyakacaturthake || vamyarśomūtrakṛcchre ca visarpopahateṣu ca | kaṃḍūpāṃḍvāmayonmādaviṣameṣu gadeṣu ca | bhūtopahatacittānāṃ gadgadānāmacetasām | śastaṃstrīṇāṃ ca vaṃdhyānāṃ dhanyamāyurbalapradam alakṣmīpāparogaghnaṃ sarvagrahanivāraṇam | kalyāṇakamidaṃ sarpiḥ śreṣṭhaṃ puṃsavaneṣu ca || iti kalyāṇakaṃghṛtam || ebhya eva sthirādīni jale paktvaikaviṃśatima rasetasminpacetsarpirgṛṣṭikṣīrecaturguṇe || vīrā dvimāṣaṃ kākolī svayaṃ guptarṣabhāvitaḥ | medāyāśca samaiḥ kalkaistatsyātkalyāṇakaṃ mahat bṛṃhaṇīyaṃ viśeṣeṇa saṃnipātaharaṃ param | kalikātaḥunmādināmunmadamānasānāmapasmṛtau bhūtahatātmanāṃ ca brāhmīrasaḥ syātsavacaḥ sakuṣṭhaḥ saśaṃkhacūrṇaḥsasuvarṇacūrṇaḥ|| iti śrītomaravaṃśāvataṃsaripubhūtabhairavaśrīvīrasiṃhadevaviracite vīrasiṃhāvaloke jyotiṣaśāstrakarmavipākāyurvedoktaprayoge unmādādhikāraḥ|| athedānīmapasmārarogasya jātakābhiprāyeṇa hetuṃ tatpratīkāraṃ cāha | yathoktaṃ jātake-śanibhūsutadinanāthā nidhanasthā yasya janmakāle syuḥ |
Linked texts (6)
- Carakasaṃhitā — Agniveśa (Āyurveda) & Caraka, Sanskrit
- Aṣṭāṅgasaṃgraha — Vāgbhaṭa, Sanskrit
- Bhāvaprakāśa (another edition) — Sanskrit
- Cakradatta (Cikitsāsaṅgraha) — Cakrapāṇidatta, Sanskrit
- Vaidyakasāroddhāra — Brajanāthaśarman, Sanskrit
- Vīrasiṃhāvaloka — Vīrasiṃha, Sanskrit