Pramāṇa · Search · About · API

Hridayapriya 66: atha daśamo'dhyāyaḥ

Hṛdayapriyā 66

Language
Sanskrit

Contents

atha daśamo'dhyāyaḥ

66.p1

visarpe trayaḥ kaṣāyāḥ

66.1

mustāriṣṭapaṭoladārurajanīdrākṣābalānāgaraistrāyantyutpaladhanvayāṣadhanikābhūnimbasevyāmbubhiḥ
śreṣṭhānimbakukūlakaiśca sakaṇaiḥ siddhāḥ kaṣāyā marutpittaśleṣmavisarpadarpaśamanāḥ proktāstrayaste kramāt

66.1.p1

dārvīpaṭolādikvāthaḥ

66.2

dārvīpaṭolakaṭukāpadmarātriphalāmṛtaiḥ
yaṣṭītrāyantinimbaiśca pivet kvāthaṃ ghṛtānvitam

66.2.p1

triphalādilepaḥ

66.3

triphalāpadmakośīrasamaṅgākaravīrakam
naḷamūlānyanantā ca lepaḥ śleṣmavisarpahā

66.3.p1

dhavādilepaḥ

66.4

dhavasaptāhvakhadiradevadārukuraṇḍakam
samustāragvadhaṃ lepaḥ kaphavīsarpanāśanaḥ

66.4.p1

gopātmajādighṛtam

66.5

gopātmajākamalacandanasevyakuṣṭhakṣīridrumāṅkurabisotpalakandagarbham
dūrvārase jayati sādhitamājyamāśu
kṣīreṇa sārdhamiha sarvavisarpamugram

66.5.p1

dantīcitrakādilepaḥ

66.6

dantī citrakamūlatvak sudhārkapayasī guḍaḥ
bhallātakāsthikāsīsairlepo bhindyācchilāmapi

66.6.p1

bahirmārgasthitaṃ granthi kiṃ punaḥ kaphasambhavam

66.6.p2

udumbarāmbarādilepaḥ

66.7

udumbarāmbaraṃ muktā mṛṇālamadhukaṃ balā

66.7.p1

kṣīrapiṣṭaḥ pradeho'yaṃ kardamākhye visarpake

66.7.p2

pañcavalkāditailam

66.8

pañcavalkaniśāgopīkaṣāye tilajaṃ pacet

66.9

rambhodakandamadhukatvaksevyāmayacandanaiḥ
hitaṃ tat paittike kuṣṭhe visarpe kledavatyapi

66.9.p1

dūrvāgūḷūcyāditailam

66.10

dūrvāgūḷūcītulasīkumārīnīlīviṣaghnīmunivṛkṣabhṛṅgayaḥ
raseṣu teṣāṃ vipacet sasarpistailaṃ sadugdhaṃ ca visarpaśāntyai

66.10.p1

śuṇṭhībalādikvāthaḥ

66.11

śuṇṭhībalānimbapaṭolakuṣṭhaiḥ sadhānyakaiḥ sāmalakaiḥ samastaiḥ
śrutaḥ kaṣāyo vinihanti pānānmasūrikāmaṣṭavidhāṃ madhūḍhaḥ

66.11.p1

śāriṣāmadhukādikvāthaḥ

66.12

śārivāmadhukośīrayāsacandanaparpaṭaiḥ
masūrikāpahaḥ kvāthaḥ kadalīkandajastathā

66.12.p1

candanaparpaṭakādikvāthaḥ

66.13

candanaparpaṭakāmṛtavallīdhānyaka rovyajalāmbudasiddham
puṣkaramugravidāhavisarpa sphoṭamaśeṣamapohati sadyaḥ

66.13.p1

kumārikātailam

66.14

kumārikāgomayanālikeravṛkṣāgladūrvāsvarasāḍhakena
prasthaṃ prasiddhaṃ tilajaṃ pralepād visphoṭapāmādigadān pramārṣṭi

66.14.p1

sphoṭa trāyamāṇādikvāthaḥ

66.14.p2

trāyamāṇottamadrākṣākvathitaṃ sphoṭajijjalam

66.14.p3

sphoṭe dhātryādiḥ

66.15

dhātrīkhadiranimbāmbucandanairvā sitāyutam

66.15.p1

śītapitte amṛtādiḥ

66.16

amṛtārajanīnimbavyāghrīrogajñatoyadaiḥ
pathyādhātrīvṛṣaiḥ kvāthaḥ śītapittanibarhaṇaḥ

66.16.p1

gulgulutiktakam

66.17

nimbāmṛtāvṛṣapaṭolanidigdhikānāṃ
bhāgān pṛthag daśapalān vipacet ghaṭe'pām
aṣṭāṃśaśeṣitarasena punaśca tena
prasthaṃ ghṛtasya vipacet picubhāgakalkaiḥ

66.18

pāṭhāviḍaṅka suradārugajopakulyādvikṣāranāgaravacāmisicavyakuṣṭhaiḥ
tejovatīmaricadīpyakavatsakāgnarohiṇyarūpakaraniśākaṇamūlayuktaiḥ

66.19

mañjiṣṭhayā'tiviṣayā vipayā yavānyā
saṃśuddhaguggulupalairapi pañcasaṅkhyaiḥ
tat sevitaṃ vidhamati pravalaṃ samīraṃ
sandhyakṣasthamajjagatamapyatha kuṣṭhamīdṛk

66.20

nālīvraṇārbudabhagandaragaṇḍamālājatrūrdhvasarvagadagulmagudotthamehān
yakṣmāruciśvasanapīnasakāsaśoṣa
hṛtpāṇḍurogamadavidradhivātaraktam

66.21

viḍaṅgasārāmalakābhayānāṃ palaṃ palaṃ trīṇi phalāni kumbhāt
gulasya ca dvādaśa māsamekaṃ jitātmanāṃ hantyupayujyamānaḥ

66.22

kuṣṭhaśvitraśvāsakāsodarārśo
mehaplīhagranthirugjantugulmān
siddhaṃ yogaṃ prāha yakṣo mumukṣorbhikṣoḥ prāṇān māṇibhadraḥ kilemam

66.23

paṭolamūlatriphalāviśālāḥ
pṛthak tribhāgāpacitatriśāṇāḥ
syustrāyamāṇā kaṭurohiṇī ca
bhāgārthike nāgarapādayukte

66.24

etat palaṃ jarjaritaṃ vipakvaṃ jale pivet kuṣṭhaviśodhanāya
khadirāriṣṭaguḍūcīpaṭoladārvādurālabhākvāthaḥ
kuṣṭhānāṃ vinihantā daiteyānāṃ nṛsiṃha iva

66.25

vāśāmṛtānambavarāpaṭolavyāghrīkarañjodakakalkapakvam
sarpirvisarpajvarakāmalāsrakuṣṭhāpahaṃ vajrakamāmananti

66.25.p1

mahāvajrakaghṛtam

66.26

triphalā trikaṭukikaṇṭakārīkaṭukākumbhanikumbharājavṛkṣaiḥ
sapacātiviṣāgnikaiḥ sapāṭhaiḥ picubhāgairnavavajradugdhamuṣṭyā

66.26.p1

piṣṭaiḥ siddhaṃ sarpiṣaḥ prasthamebhiḥ krūre koṣṭhe snehanaṃ recanaṃ ca
kuṣṭhaśvitraplīhavadhrmodarulmān hanyāt kṛcchrāṃstanmahāvajrakākhyam

66.26.p2

kuṣṭhe abhayāprayogaḥ

66.28

kuṭajāgninimbanṛpatarukhadirāsanasaptaparṇaniryūhe
siddhā madhughṛtayuktāḥ kuṣṭhaghnīrbhakṣayedabhayāḥ

66.28.p1

candraśakalādivaṭakaḥ

66.29

candraśakalābhirajanīviḍaṅgatuvarāsthyaruṣkaratriphalābhiḥ
vaṭakā guḷāṃśaklaptāḥ samastakuṣṭhāni nāśayantyabhyastāḥ

66.29.p1

śvetakaravīrādilepaḥ

66.30

śvetakaravīramūlaṃ kuṭajakarañjāt phalaṃ tvacau dārvyāḥ
sumanaḥpravālayukto lepaḥ kuṣṭhāpahaḥ siddhaḥ

66.30.p1

nimbādicūrṇam

66.31

nimbaṃ haridre surasaṃ paṭolaṃ kuṣṭhāśvagandhe suradāru śigruḥ
sasarṣapaṃ tumburudhānyavanyaṃ caṇḍā ca cūrṇāni samāni kuryāt

66.32

taistakrayuktaiḥ prathamaṃ śarīraṃ tailāktamudvartayituṃ yateta
tenāsya kaṇḍūpiṭakāḥ sakoṭhāḥ kuṣṭhāni śophāśca śamaṃ vrajanti

66.32.p1

mustādyavacūrṇanam

66.33

mustāmṛtā saṅkaṭakaṅkaṭerīkāsīsakampilyakakuṣṭhalodhrāḥ
gandhopalaḥ sarjaraso viḍaṅgaṃ
manaśśilāle karavīrakatvak

66.34

tailāktagātrasya kṛtāni cūrṇānyetāni dadyādavacūrṇanārtham
dadruḥ sakaṇḍūkiṭipāni pāmā
vicarcikā ceti tathā na santi

66.34.p1

gulgulamaricādicākrikatailam

66.35

gulgulamaricaviḍaṅgaiḥ sarṣapakāsīsasarjarasamustaiḥ
śrīveṣṭatāla gandhairmanaḥśilākuṣṭhakampilyaiḥ

66.36

ubhayaharidrāsahitaiścākrikatailena miśritairebhiḥ
dinakarakarābhitaptaiḥ kuṣṭhaṃ ghṛṣṭaṃ ca naṣṭaṃ ca

66.36.p1

vajrakatailam

66.37

mūlaṃ saptāhvāt tvak śirīṣāśvamārādarkānmālyāścitrakāsphoṭanimbāt
bījaṃ kārañjaṃ sārṣapaṃ prāpunāṭaṃ
śreṣṭhā jantughnaṃ vyūṣaṇaṃ dve haridre

66.38

tailaṃ tailaṃ sādhitaṃ taiḥ samūtraistvagdoṣāṇāṃ duṣṭanāḷīvraṇānām
abhyaṅgena śleṣmavātodbhavānāṃ
nāśāyalaṃ vajrakaṃ vajratulyam

66.38.p1

mahāvajrakatailam

66.39

eraṇḍatārkṣyaghananambakadambabhārgīkampilyavellaphalinīsuravāruṇībhiḥ
nirguṇḍyarupakarasurāhvasuvarṇadugdhāśrīveṣṭagulguluśilāpaṭṭatālaviśvaiḥ

66.40

tulyasnugarkadugdhaṃ siddhaṃ tailaṃ smṛtaṃ mahāvajram
atiśayitavajrakaguṇaṃ śvitrāśagranthigaṇḍamālāghnam

66.40.p1

lākṣādilepaḥ

66.40.p2

lākṣā vyoṣaṃ prāpunāṭaṃ ca vījaṃ saśrīveṣṭaṃ kuṣṭhasiddhārthakāśca
takronmiśraḥ syāddharidrā ca lepo dadrūṣūkto mūlakotthaṃ ca bījam

66.40.p3

jalavāpyādilepaḥ

66.42

jala vāpyalohakesarapatraplavacandanamṛṇālāni
bhāgottarāṇi siddhaṃ pralepanaṃ pittakarukuṣṭhe

66.42.p1

khadirādivargaḥ

66.43

khadiravṛṣanimbakuṭajāḥ śreṣṭhāḥ kṛmijitpaṭolamadhuparṇyaḥ
antarbahiḥ prayuktāḥ kṛmikuṣṭhanudaḥ sagomūtrāḥ

66.43.p1

kākodumbarikādikvāthaḥ

66.44

kākodumbarikā mūlacandrarekhābhṛtaṃ jalam
pītaṃ pradhāvayet śvitraṃ kuṣṭhamaudumbaraṃ tathā

66.44.p1

śvitre pūtīkādilepaḥ

66.45

pūtīkārkavyādhighātasnuhīnāṃ mūtraiḥ piṣṭāḥ pallavā jātijāśca
prantyālepācchidradurnāmadadrūpāmākoṭhān duṣṭanāḷīvraṇāṃśca

66.45.p1

śvitre anyaḥ pralepaḥ

66.45.p2

§dvaipyaṃ dagdhaṃ carma mātaṅgarja vā śvitre lepastailayukto variṣṭhaḥ

66.45.p3

anyaśca

66.46

pūtīkīṭo rājavṛkṣodbhavaina kṣāreṇāktaḥ śvitrameko nihanti

66.46.p1

lepane sphoṭahetuprayogaḥ

66.47

rātrau gomūtre vāsitān jarjarāṅgānahni cchāyāyāṃ śoṣayet sphoṭahetūn
evaṃ vārāṃstrīṃstaistataḥ ślakṣṇapiṣṭaiḥ
snuhyāḥ kṣīreṇa śvitranāśāya lepaḥ

66.47.p1

akṣatailādilepaḥ

66.48

akṣatailahutālepaḥ kṛṣṇasarpodbhavā maṣī
śikhipiñchaṃ tathā dagdhaṃ hrīberaṃ vā tadāhṛtam

66.48.p1

savarṇakaraṇalepaḥ

66.49

kuḍuvo'vadgujabījāddharitālacaturthabhāgasaṃmiśraḥ
mūtreṇa gavāṃ piṣṭaḥ savarṇakaraṇaṃ paraṃ śvitre

66.49.p1

gandhakādilepaḥ

66.50

gandhakagṛhadhūmaniśāvadgujakośātakībījāt
cūrṇaṃ navanītasakhaṃ pralepitaṃ mardayet śvitram

66.50.p1

vyoṣādilepaḥ

66.51

vyoṣasarṣapaniśāgṛhadhūmairyāvaśūkapaṭṭacitraka śuktaiḥ
kolatulyagulikārthaviṣāṃśāḥ śvitrakuṣṭhaśamano varalepaḥ

66.51.p1

kuṣṭhādiṣu bhallātakādilepaḥ

66.52

bhallātakadvipisudhārkamūlaṃ guñjāphalatryūṣaṇaśaṅkhacūrṇam
tutthaṃ sakuṣṭhaṃ lavaṇāni pañca kṣāradvayaṃ lāṅgalikāṃ ca paktvā

66.53

snugarkadugdhe ‡punarāyasasthaṃ
śalākayā tadvidadhīta lepam
kuṣṭhe kilāse tilakālakeṣu
maśeṣu durnāmasu carmakīle

66.53.p1

vyaṅge raktacandanādilepaḥ

66.54

raktacandanamañjiṣṭhākuṣṭhalodhrapriyaṅgavaḥ
vaṭāṅkurā masūrāśca vyaṅgaghnā mukhakāntidāḥ

66.54.p1

vyaṅgādiharo'bhyaṅgayogaḥ

66.55

yavān sarjarasaṃ lodhramuśīraṃ madanaṃ madhu
ghṛtaṃ guḍaṃ ca gomūtre pacedādavavilepanāt

66.55.p1

(tadabhyaṅgānnihantyāśu nīlikāvyaṅgadūṣikān
mukhaṃ karoti padmābhaṃ pādau padmadalopamau ||)

66.55.p2

kṛmiroge khadirādiḥ

66.56

khadiraḥ kuṭajaḥ picumandavacātrikaṭu triphalā trivṛtā ca samam
paśumūtrayutaṃ piva saptadinaṃ kṛmikoṭiśatānyapi nāśayati

66.56.p1

palāśabījādiḥ

66.57

palāśabījaṃ saguḷaṃ tilajantughnasaṃyutam
jalena nāḷikerasya pivet kṛmivināśanam

66.57.p1

kṛminibarhaṇaḥ khalaḥ

66.58

rasonavyoṣakaiḍaryasarṣapadvayasaindhavaiḥ
khalo dhānyāmlasaṃsiddhaḥ siddhaḥ kṛminibarhaṇaḥ

66.58.p1

kīṭāpahaghṛtam

66.58.p2

niśāsvarasakalkābhyāṃ siddhaṃ kīṭāpahaṃ ghṛtam

66.58.p3

girikarṇyādighṛtam

66.59

girekarṇīmūlakalkasahitaṃ sasnuhīpayaḥ

66.59.p1

sarpirvepācitaṃ sarvakruṣṭoṇāṃ nāśanaṃ param

66.59.p2

vātaharagaṇāḥ

66.60

bhadradāru nataṃ kuṣṭhaṃ daśamūlaṃ balādvayam

66.60.p1

vāyuṃ vīratarādiśca vidāryādiśca nāśayet

66.60.p2

tilvakavṛtam

66.61

palāṣṭakaṃ tilvakato varāyāḥ
prasthaṃ palāṃśaṃ gurupañcamūlam
sairaṇḍasiṃhītrivṛtaṃ ghaṭe'pāṃ
paktvā pacet pādaśṛtena tena

66.62

damnaḥ pātre yāvaśūkāt trivilvaiḥ
sarpiḥ prasthaṃ hanti tat sevyamānam
duṣṭān vātānekasarvāṅgasaṃsthān
yonivyāpaddharmagulmodaraṃ ca

66.62.p1

vatsakādigaṇaḥ

66.63

vatsakamūrvābhāṅgīṃkaṭukāmaricaṃ ghuṇapriyā ca gaṇḍīram
elā pāṭhājājī kaṭvaṅgaphalājamodasiddhārthavacāḥ

66.64

jīrakahiṅguviḍaṅgaṃ paśugandhā pañcakolakaṃ hanti
calakaphamedaḥpīnasagulmajvaraśūladurnāmnaḥ

66.64.p1

vacāharidrādī

66.65

vacājaladadevāhvanāgarātiviṣābhayāḥ

66.66

haridrādvayayaṣṭyāhvakalaśīkuṭajodbhavāḥ
vacāharidrādigaṇāvāmātīsāranāśanau

66.66.p1

medaḥkaphāḍhyapavanastanyadoṣanibarhaṇau

66.66.p2

paṅkacaraṇaḥ

66.67

citrakātiviṣāpāṭhākaṭukāragvadhakṣapāḥ

66.67.p1

mahāvyādhipraśamano yogaḥ ṣaḍdharaṇaḥ smṛtaḥ

66.67.p2

aṣṭavargaḥ

66.68

balāsahācarairaṇḍaśuṇṭhīrāsnāsuradrumaiḥ

66.68.p1

sasinduvāralaśunairaṣṭavargo'nilāpahaḥ

66.68.p2

sahacarādikaṣāyaḥ

66.69

sahacaraṃ suradāru sanāgaraṃ
kvathitamambhasi tailavimiśritam
pavanapīḍitadehagatiḥ pibed
drutavilambitago bhavatīcchayā

66.69.p1

vātaghnagaṇaḥ

66.70

daśamūlabalairaṇḍanirguṇḍīśigrubarbaraiḥ

66.70.p1

sapañcakolalaśunairseryakairvātahā gaṇaḥ

66.70.p2

rāsnāsahacarādiḥ

66.71

rāsnāsahacarairaṇḍabalāpūtīkanāgaram

66.71.p1

gṛdhrasyāṃ mūrdhage vāte hitaṃ pānaṃ paraṃ smṛtam

66.71.p2

prasāraṇyādikvāthaḥ

66.72

prasāraṇīmāṣabalārasonārāsnauṣadhaiḥ prakvathitaṃ tadambhaḥ
pibanti ye kṣīrabhujastyajanti
marudvikārānapabāhukaṃ ca

66.72.p1

laśunakvāthaḥ

66.73

laśunasya kaṣāyaṃ vā pibet saindhavahiṅgunā

66.73.p1

rāsnāmahauṣadhādisarpiḥ

66.74

rāsnāmahauṣadhadvīpipippalīśaṭhipauṣkaram
piṣṭvā vipācayet sarpirvātarogaharaṃ param

66.74.p1

prasāraṇītailam

66.75

prasāraṇīrase siddhaṃ pibet tailaṃ yathābalam
sarvavātaharaṃ caiva kapharogavināśanam

66.75.p1

sahacaraditailam

66.76

sahācaratulāyāstu rase tailāḍhakaṃ pacet
kalkairmadhukamañjiṣṭhācandanotpalapadmakaiḥ

66.77

sūkṣmailāpippalīkuṣṭhatvaṅnāgakusumotpalaiḥ
gandhaiśca jīvanīyeaiśca kṣīradravasrayānvitam

66.78

etanmūrddhānilā ghnaṃ syāccheṣaṃ prāgte śubhe
sarvavātavikārāṃśca nāśayet sarvakārmaṇām

66.78.p1

valātailam

66.79

balāśaṃtaṃ chinnaruhāpādaṃ rāsnāṣṭabhāgikam
jalāḍhakaśate paktvā daśabhāgasthite rase

66.80

dadhimastvikṣuniryāsamaśuktaistailāḍhakaṃ pacet
samaiḥ sājapayorddhāṃśaṃ kalkairebhiḥ palonmitaiḥ

66.81

śaṭhīsaraladārbelāmañjiṣṭhāgurucandanaiḥ
padmakātibalāmustāmūrvvāparṇīhareṇubhiḥ

66.82

yaṣṭyāhvasurasavyāghranakharṣabhakajīvakaiḥ
palāśarasakastūrīnalikājātikorakaiḥ

66.83

spṛkvākuṅkumaśaileyajātikākaphalāmbubhiḥ
tvakkunduruṣkakarpūraturuṣkaśrīnivāsakaiḥ

66.84

lavaṅganatatakolakuṣṭhamāṃsīpriyaṅgubhiḥ
sthauṇeyatakaradhyāmavacāmadanakaplavaiḥ

66.85

sanāgakesaraiḥ siddhe dadyāccātrāvatārite
patrakalkaṃ tataḥ pūtaṃ vidhinā tat prayojitam

66.86

kāsaśvāsajvaracchardimūrchāgulmakṣatakṣayān
plīhaśophāvapasmāramalakṣmīṃ ca praṇaśayet

66.87

balātailamidaṃ śreṣṭhaṃ vātavyādhivināśanam
pāne nasye'nvāsane'bhyañjane ca
snehāḥ kāle samyagete prayuktāḥ
duṣṭān vātānāḍu śāntiṃ nayeyurvandhyā nārīḥ putrabhājaśca kuryuḥ

66.87.p1

pañcasneham

66.88

daśamūlabalāmāṣakaṃḥ| sāsthikulasthakam

66.89

prasthaṃ prasthaṃ pṛthak kṣuṇṇaṃ jaladroṇadvaye pacet
dhānyāmlaśūrpasaṃyuktaṃ caturthāṃśāvaśeṣite

66.90

tatra dadyāt trikuḍuvaṃ tilajaṃ nāḷikerajam
eraṇḍajaṃ cākrikaṃ ca pratyekaṃ saukarīṃ vasāṃm

66.91

dviguṇaṃ ca payaḥ piṣṭaṃ rāsnānāgarasaindhavam
kārpāsāsthikulatthāni gaṇḍīraṃ ca pacet punaḥ

66.92

samyak siddhamidaṃ hanyāt sarvavāt vikārakān
pañcasnehamidaṃ proktaṃ ślakṣṇā yā śāntaye

66.92.p1

māṣatailam

66.93

māṣaprasthaṃ samāvāpya pacet samyag jalāḍhake
pādaśeparase tasmin kalkānyetāni dāpayet

66.94

jīvanīyāni sarvāṇi śatapuṣpāṃ ca saindhavam
rāsnāṃ caivātmaguptāṃ ca vyoṣaṃ ca madhukaṃ tathā

66.95

prasthaṃ ca tilatailasya kṣīrasya ca tadāḍhakam
mṛdvagninā śanaiḥ samyak pācayenmatimān bhiṣak

66.96

pakṣāghātāndite vāte karṇaśūle ca dāruṇe
bādhirye karṇanāde ca timire ca tridoṣaje

66.97

hastakampe śiraḥkampe viśvācyāmapabāhuke
māṣatailamidaṃ śreṣṭhaṃ pānanāvanavastiṣu

66.97.p1

prabhañjanavimarddanam

66.98

balā śatāvarīśigruvaruṇārkakarañjakāḥ
eraṇḍaścāpi koraṇḍo vājigandhā prasāraṇī

66.99

pañcamūlaṃ variṣṭhaṃ ca taiḥ samaiḥ kvathite jale
pādāvaśeṣite dadyāt tailasyārdhāḍhakaṃ bhiṣak

66.100

kṣīraṃ taddviguṇaṃ dadyāt tanmane dadhikāñjike
takrāmarakāṣṭhailāśuṇṭhīsarṣapacorakāḥ

66.101

'
śatāhvākuṣṭhasindhūttharāsnākālānusārikāḥ
vacā sacitrakaṃ māṃsī saralaṃ kaṭurohiṇī

66.102

pratyekaṃ kārṣikān bhāgān pratīvāpāya paṇḍitaḥ
tatsambhāreṇa mṛdvagnisiddhaṃ tilajamādarāt

66.103

pānābhyañjananasyeṣu vastikarmaṇi yojayet
etattailaṃ mahāvīryamātreyapramukhaiḥ purā

66.103.p1

nirmitaṃ nāmataścāpi prabhañjanavimardanam

66.103.p2

kārpāsāsthyāditailam

66.104

kārpāsāsthibalāmāṣakulasthakvāthasādhitam

66.105

śigrukuṣṭhāmilaśunapaḍupañcapunarnavaiḥ
nālikerapayoyuktaṃ tailaṃ hantyapabāhukam

66.105.p1

daśamūlabalāditailam

66.106

daśamūlabalāmūlakulatthaiḥ samprasādhitam
abhyañjanena hantyāśu pakṣāghātaṃ tilodbhavam

66.106.p1

snuhyarkasvarasāditailam

66.107

snuhyarkasvarase siddhaṃ tailaṃ tanmūlakalkavat
sarvavātaṃ nihantyāśu suptavātaṃ viśeṣataḥ

66.107.p1

bhūnāgatailam

66.108

likucarasasnukkṣīre tulyaṃ tailaṃ sametabhūnāgam
siddhaṃ hinasti lepād dustaramapabāhukaṃ jhaṭiti

66.108.p1

nārāyaṇatailam

66.109

daśamūlaṃ tathairaṇḍaṃ vājigandhā śatāvarī
punarnavabalārāsnāyaṣṭīpunnāgapāṭalāḥ

66.110

devadārukaṇānimbaśatapuṣpaṃ ca candanam
pṛthag daśapalān bhāgān sarvatulyaguṇe jale

66.111

pācayet pādaśeṣaṃ tu kaṣāyaṃ vastrapūtakam
samuddhareccatuṣṣaṣṭipalaṃ tailaṃ suśobhitam

66.112

tvakpatrāgurumāñṣṭhājātitakkolacandanam
pṛthag daśapalaṃ yojyaṃ pūjāṃ kṛtvā surālaye

66.113

etannārāyaṇaṃ tailaṃ sarvavātanikṛntanam
narā vā vātasaṃbhagnā hayo vā kuñjaro'pi vā

66.114

vakratvamapi cāṅgasya dantavātaṃ galagraham
āntravṛddhiṃ ślīpadaṃ ca tailenānena mardayet

66.115

asādhyaṃ sādhayatyāśu yathā nārāyaṇo'surān
punnāgairaṇḍanimbairbakulathanadaddaṅnālikeraiḥ karañjaḥ
kārpāsaiḥ śigruḍolāphalamuniśaṇakaiḥ sarpapāṅkolabījaiḥ
rāsnākuṣṭhaiḥ kulatthaistilalaśunavacāhiṅgusindhūtthayuktaiḥ
sarvasnehaiḥ kṛtaṃ tat sakalapaṅguyutaṃ poṭṭalaṃ vātabhaṅgi

66.116

śuṇṭhīvacālaśunamāṣatilāśvagandhāśigrudvayārkagadadārusudhāśatāhvaiḥ
bhūpīlusarṣapabalālaśunaiśca lepo
mūtrāmlatailasahitaiḥ pavanārtihārī

66.117

rāsnātāmalakīvṛṣāgaruśaṭhīcitrābdacavyāśmabhiddhātrībhāṅgipaṭolapuṣkaraniśāsairīyaviśvānghribhiḥ
niṣkvātho daśamūladārusahitaḥ pītaḥ kaduṣṇo nṛṇāṃ
hanyāt saindhavakhaṇḍaśauṇḍisahito vātaṃ tridoṣottaram

First 200 of 219 passages. Read on

Linked texts (12)