Ravanatantra 1.3

Rāvaṇatantra 1.3

Language: Sanskrit

1.3

tṛtīye divase māse varṣe vā gṛhṇāti pūtanā nāma mātṛkā, tayā gṛhītamātreṇa prathamaṃ bhavati jvaraḥ | gātramudvejayati stanyaṃ na gṛhṇāti muṣṭiṃ badhnāti krandati ūrddhaṃ
nirīkṣate | baliṃ tasya pravakṣyāmi yena saṃpadyate śubham
nadyubhayataṭamṛttikāṃ gṛhītvā puttalikāṃ kṛtvā gandhapuṣpatāṃbūlaraktacandanaraktapuṣpāṇi saptaraktadhvajāḥ saptadīpāḥ saptasvastikāḥ pakṣimāṃsaṃ surā agryabhaktaśca
dakṣiṇasyāṃ diśi aparāhne catuṣpathe balirdātavyaḥ
śivanirmālyaguggulusarṣapanimbapatrameṣaśṛṅgaiḥ dinatrayaṃ
dhūpayet | oṃ namo nārāyaṇāya amukabālasya vyādhiṃ
hana hana muñca muñca hāsaya hāsaya svāhā | caturthadivase
brāhmaṇaṃ bhojayet tataḥ sampadyate śubham

Previous: 1.2-2
Next: 1.4
Up: 1

Linked texts (1)

Cakradatta (Cikitsāsaṅgraha) — Cakrapāṇidatta, Sanskrit