Ravanatantra 1.4

Rāvaṇatantra 1.4

Language: Sanskrit

1.4

nārāyaṇāya bālasya vyādhiṃ hana hana muñca muñca hāsaya hāsaya svāhā
caturthe divase māse varṣe vā gṛhṇāti mukhamaṇḍikā
nāma mātṛkā; tayā gṛhītamātreṇa prathamaṃ bhavati
jvaraḥ| grīvāṃ nāmayati akṣiṇī unmīlayati stanyaṃ
na gṛhṇāti roditi svapiti muṣṭiṃ badhnāti | baliṃ
tasya pravakṣyāmi yena sampadyate śubham | nadyubhayataṭamṛttikāṃ gṛhītvā puttalikāṃ kṛtvā utpalapuṣpaṃ
gandhatāmbūlaṃ daśa dhvajāḥ catvāraḥ pradīpāḥ trayodaśa
svastikāḥ matsyamāṃsaṃ surā agyabhaktaśca uttarasyāṃ
diśi aparāhne catuṣpathe baliṃ dadyāt | ādyamāsiko dhūpaḥ | oṃ namo nārāyaṇāya hana hana muñca muñca
svāhā | caturthadivase brāhmaṇaṃ bhojayet | tataḥ sampadyate śubham

Previous: 1.3
Next: 1.5
Up: 1

Linked texts (1)

Cakradatta (Cikitsāsaṅgraha) — Cakrapāṇidatta, Sanskrit