Ravanatantra 1.5

Rāvaṇatantra 1.5

Language: Sanskrit

1.5

pañcame divase māse varṣe vā gṛhṇāti kaṭapūtanā nāma
mātṛkā; tayā gṛhītamātreṇa prathamaṃ bhavati jvaraḥ
gātramudvejayati stanyaṃ na gṛhṇāti muṣṭiṃ ca badhnāti baliṃ
tasya pravakṣyāmi yena sampadyate śubham | kumbhakāracakrasya mṛttikāṃ gṛhītvā puttalikāṃ nirmāya gandhatāmbūlaṃ śuklodanaḥ śuklapuṣpaṃ pañca dhvajāḥ pañca pradīpāḥ
pañca vaṭakāḥ aiśānyāṃ diśi balirdātavyaḥ | śāntyudakena snāpayet | śivanirmālyasarpa-nirmoka-guggulunimbapatrabālakaghṛtairdhūpaṃ dadyāt | oṃ namo nārāyaṇāya
amukasya vyādhiṃ cūrṇaya cūrṇaya hana hana svāhā | caturthe
divase brāhmaṇaṃ bhojayet | tataḥ sampadyate śubham

Previous: 1.4
Next: 1.6
Up: 1

Linked texts (1)

Cakradatta (Cikitsāsaṅgraha) — Cakrapāṇidatta, Sanskrit