Tantrayuktivicara 17_67

17_67

yathā- śīte vasante ca ityādi
śītavasantayorhemantaśiśiravasanteṣu divā'nuvāsayet . anyadā grīṣmavarṣāśaratsu rātrāviti siddham . kecicchīte vasante ca rātrāvanyadā diveti . anye punaḥ kecicchibdasya .
kākākṣinyāyamāpādya kecit sarvadā rātrāviti . kecittu tata iti rātryuttarakālasyānyadātvamāpādya sarvadā diveti . tena śīte vasante ca divā grīṣmavarṣāśaratsu rātrāviti ekaḥ pakṣaḥ . sarvadā rātrāvityekaḥ pakṣaḥ . sarvadā divetyanyaḥ . iti pakṣatrayam . divāpakṣa evamāha -
na rātrau praṇayed vastiṃ doṣotkleśo hi rātritaḥ .
snehavīryamataḥ kuryādādhmānaṃ gauravaṃ jvaram ..
ahni sthānasthite doṣe vahnau cānnarasānvite .
sphuṭasrotomukhaṃ dehaṃ snehaujaḥ parisarpati ..
anyastu
na divā yojayed vastiṃ divā svanaprasaṅgataḥ .
divā svapno hi kurute kaphapittātmakān malān..
śīte vasante ca divā'nuvāsyo rātrau śaradgrīṣmaghanāgameṣu .
tāneva doṣān parirakṣatā ye snehasya pāne parikīrtitāḥ prāk .. iti snehapādoṣāśca
atyuṣṇe tu divā pīte vātapittādhikena vā .
mūrchā pippāsāmunmādaṃ kāmilāṃ ca samīrayet ..
śīte rātrau piban snehaṃ naraḥ śleṣmādhiko'pi vā .
ānāhamaruciṃ śūlaṃ pāṇḍutāṃ ca samṛcchati ..