Tantrayuktivicara 17_68

17_68

ācāryo'pi matamidamaṅgīkṛtya śiśiravasantayordivā ityādinā pūrvamuktavān . punaśca doṣanusāreṇāha -
alpapittakaphaṃ rūkṣaṃ bhṛśaṃ vātarujārditam .
bhuktaṃ jīrṇāśanaṃ kāmaṃ rātrāvapyanuvāsayet.. bhuktamiti jīrṇāṃśanaṃ bhuktamanyathā--
abhukte riktakoṣṭhasya prayuktamanuvāsanam .
saradūragasūkṣmatvaiḥ kṣipramūrdhvaṃ prapadyate ..
tena vāyorjayo na syād vātadhāmanyatiṣṭhatā .
kāyāgnerāśu nāśaśca viśeṣādanivartanāt ..
snehaḥ sadyośitāhāraruddhetvāmāśaye'nilam .
pakvasthaṃ hanti pakvasthaścyavate cānnapākataḥ..
bhuktavānanuvasyo'smānna nirūhyastu bhuktavān.
niruhaśca samīraśca tīkṣṇavegāvubhāvapi ..
tāvanna mūrchitau tīkṣṇāvadho'nnena sahāgatau .
ūrdhvaṃ vā śakṛtā sārdhaṃ saṃsthitau koṣṭha eva vā ..
samamāhāraviṣṭabdhau haretāmāśu jīvitam .
avekṣya vā doṣādīnīti cācāryapakṣaḥ..