Shivattvaratnakara 105.2

105.2

svāmin! vaṃśe'tra jātānāṃ nṛpāṇāṃ puṇyajanmanām
caritāni vicitrāṇi saṃśrutyānandito'bhavam
sthūlo'śa eva brahmāṇḍaṃ piṇḍāṇḍaṃ sūkṣmarūpakam
iti pūrvaṃ samākhyāya prokto brahmāṇḍavistaraḥ
paribhāvayato me tat purovartīva lakṣyate
adhunā vada piṇḍāṇḍakramaṃ vistarataḥ prabho!
putra! te tatpravakṣyāmi yat punaśśrotumicchasi
kevalaṃ puṇyapāpābhyāṃ tayossaṃmiśraṇena ca
upabhogasahaṃ karmaphalānāṃ gṛhyate vapuḥ
tatra dharmeṇa caikena devānābhaupabhogikam
sadyaḥ prajāyate divyaṃ śarīraṃ bhūtasārataḥ
atha nārakiṇāṃ puṃsāmadharmādeva kevalāt
kṣaṇamātreṇa bhūtebhyaśśarīramupajāyate
karmaṇāpyabhimiśreṇa yaccharīramihātmanaḥ
tadbhūtapariṇāmena vijñeyaṃ hi caturvidham
udbhidaḥ sthāvarā jñeyāstṛṇagulmādirūpiṇaḥ
krimikīṭapataṅgādyāḥ svedajā nāma dehinaḥ
aṇḍajāḥ pakṣiṇassarve nakramatsyāhikacchapāḥ
jarāyujāśca vijñeyā mānuṣāśca catuṣpadāḥ
jāyante sthāvarāṇāṃ ca tato'nnādakhilaṃ jagat
tatra siktā jalairbhūmigntarūṣmaprapācitā
vāyunā vyūhamānā ca bījatvaṃ pratipadyate