Shivattvaratnakara 12.1

12.1

(vipulaḥ paścime pārśve) supārśvaścottaresthitaḥ
kadambasteṣu jambūśca pippalo vaṭa eva ca
ekādaśa śatāyāmāḥ pādapā giriketavaḥ
jambūdvīpasya yo jambūnāmahetussa ucyate
mahāgajapramāṇāni jambvāstasyāḥ phalāni vai
aratnīnāṃ śatānyaṣṭau ekaṣaṣṭyadhikānitu
phalapramāṇaṃ saṃkhyātamṛṣibhistattvadarśibhiḥ
patanti bhūbhṛtaḥ pṛṣṭhe śīryamāṇāni sarvaśaḥ
rasena teṣāṃ prakhyātā tasyā jambūnadītivai
1)nadī pravartate sāca pīyate tannivāsibhiḥ
na khedo na ca daurgandhyaṃ na jarā nendriyakṣayaḥ
tatpānasvasthamanasāṃ janānāṃ tannavartate
tīramuttaptasaṃ prāpya vāyunā suviśeṣitāḥ
jambūnadākhyaṃ bhavati suvarṇaṃ siddhabhūṣaṇam
tatra jambūphalaraso nadī bhūtvā prasarpati