Shivattvaratnakara 12.68

12.68

tathā 1)ca dāruke śṛṃge devadevasya dhīmataḥ
dīptamāyatanaṃ puṇyaṃ bhāskarasyāmitaujasaḥ
tacchailottaradigbhāge candrasthānamanuttamam
ramate tatra ramyātmā bhagavān śītadīdhitiḥ
anyacca bhavanaṃ divyaṃ haṃsaśaile maharṣayaḥ !
sahasrayojanāyāmaṃ suvarṇa maṇitoraṇam
tatrāste bhagavān brahmā siddhasaṃghai rabhiṣṭutaḥ
sāvitryā sahaviśvātmā vāmadevādibhiryutaḥ
tasya dakṣiṇadigbhāge siddhānāṃ puramuttamam
sanandanādayo yatra vasanti munipuṃgavāḥ
padmaśailasya śikhare dānavānāṃ puraṃ varam
nātidūreṇa tasyādho daityācāryasya dhīmataḥ
sugandhaśailaśikhare sāriṅgirupaśobhite
kardamasyāśramaṃ puṇyaṃ tatrāste bhagavān ṛṣiḥ
tasyaiva pūrvadigbhāge kinnaraiśca niṣevite
sanatkumārabhavanaṃ tatrāste brahmavittamāḥ !
sarveṣveteṣu śaileṣu tathānyeṣu munīśvarāḥ
sarāṃsi vimalā nadyo devānāmālayāni ca
siddhaliṃgāni puṇyāni munibhisthāpitānyapi
vanānyāśramavaryāṇi saṃkhyātuṃ naiva śaknuyām
iti śrīśivatattvaratnākare dvitīyakallole
kesarācalavarṇanaṃ nāma ṣaṣṭhastaraṃgaḥ