Shivattvaratnakara 14.102

14.102

kardamasya sutāstasya caturdikṣu samāśritāḥ
lokapālāḥsthitāstatra lokāloke caturdiśi
tamaḥ parastānnibiḍaṃ lakṣānyekonaviṃśatiḥ
catvāriṃśatsahasrāṇi pañcatriṃśacca koṭayaḥ
saptaviṃśatilakṣāṇi koṭiścaiva samudrarāṭ
brahmāṇḍo'yaṃ kaṭāhena saṃyukto merumadhyataḥ
pañcāśatkoṭayo jñeyā daśadikṣu samantataḥ
graṃthāstu ṣaṭchatānyekacatvāriṃśacca saṃkhyayā
taraṃgairaṣṭabhiryukte kallole'smindvitīyake
mahābhāratavārāhe kaurme skāndaṃ ca vaiṣṇavam
kumārikāṇḍaṃ śaivādi saṃgrāhyāyaṃ kṛto'bhavat
śrīmatsadguṇasomaśekharalasaccannāmbikāsūnunā
śrīdīkṣāgurucannavīrakarasaṃjñātena labdhaśriyā
gaurībharturanugrahādvasavarājendreṇa klṛpte punaḥ
kallolaḥ paripūritaḥ kṛtivaretvasmindvitīyo'bhavat
iti śrīśivatattvaratnākare
śākadvīpādikaṭāhāntavarṇanaṃ nāmāṣṭamastaraṃgaḥ
śrīḥ
iti dvitīya kallolaḥ