Shivattvaratnakara 14.91

14.91

varṣadvayaṃ tu maitreya! bhaumasvargo'yamuttamaḥ
sarvasya sukhadaḥ kālo jarārogādivarjitaḥ
puṣkare dhātakī khaṇḍe mahāpīte ca vai mune!
nyagrodhaḥ puṣkaradvīpe brahmaṇaḥsthānamuttamam
tasminnivasati brahmā pūjyamānassurāsuraiḥ
tatraiva muniśārdūla! śivanārāyaṇālaye
vasatyatra mahādevo haro'tha hariravyayaḥ
saṃpūjyamāno brahmādyaiḥ kumārādyaiśca yogibhiḥ
bhojanaṃ puṣkaradvīpe tatra svayamupasthitam
ṣaḍrasaṃ bhuñjate vipra! prajāssarvāssadaivahi
svādūdakenodadhinā puṣkaraḥ pāraveṣṭitaḥ
samānaḥ puṣkarasyābdhiḥ dvistāre maṇḍale tathā
evaṃ dvīpāssamudraistu sapta saptabhirādṛtāḥ
dvīpāścaiva samudrāśca samānā dviguṇāḥ paraiḥ
yādāṃsi sarvadā sarvasamudreṣu samāni vai
nyūnātiriktatā teṣāṃ kadācinnaiva jāyate
tadvahiḥ kāñcanī bhūmirnānāratnadrumācalā
krīḍārthaṃ vedhasā sṛṣṭā devānāṃ daśakoṭikā
lokāleke bahistasyā lokālokaniyāmakaḥ
yojanāyutaviṣkambhastuṃgaśṛṃgaparicchadaḥ
tasya śṛṃgeṣu tigmāṃśukaraścandrātapopamāḥ
vasudāmā śaṃkhapādo hiraṇyaḥ ketumānapi