Shivattvaratnakara 18.81.p1
Śivattvaratnākara 18.81.p1
- Language
- Sanskrit
18.81.p1
palāladhūmravarṇābhā lākṣārasannibhāruṇāḥ
apradakṣiṇā rāhoḥ ketoścāpi tathā gatiḥ
siṃhikātanayo rāhurapibaccāmṛtaṃ purā
śiraśchinno'pi na prāṇaistyakto'sau grahatāṃ gataḥ
mṛṣṭakāntarhito rāhussūryācandramasāvubhau
chādayatyuragākāro varadānātsvayambhuvaḥ
andhakāramayo rāhurmeghacchanna ivotthitaḥ
ācchādayati somākau parvakāle hyupasthite
tamomaye'sya tamaso raviraśmipalāyinaḥ
bhūcchāyā candrabimbaśca dve sthāne parikalpite
tatrāsthitassvayaṃ rāhurvaradānātsvayambhuvaḥ
vipradattahutāśena svairamāpyāyito bhavet
digdāholkāmahīkampatamoghūmarajāṃsi ca
kathayantyāgamaṃ rāhoḥ puraḥ parvaṇyupasthite
grahapañcakasaṃyogaṃ dṛṣṭvā tu grahaṇaṃ vadet
Linked texts (1)
- Śivatattvaratnākara — Basappa Nāyaka 1684, Sanskrit