Shivattvaratnakara 25.58

25.58

madhyārjunaṃ virūpākṣaṃ śvetaraṇyaṃ halāhalam
kedāraṃ bhadrapādāśca kāśī caiva triyambakam
vaiyāghrapādaṃ sāmbākhyaṃ puṣkaraṃ sthāṇusaṃjñakam
śivagaṃgā guhāraṇyaṃ rudrakoṭirharālayam
śrīśailakṣetramityādiśivakṣetrānyanekaśaḥ
kṣetrāṇyetāni vasatāṃ bhuktimuktipradānivai
vārāṇasyāṃ viśālākṣī mīnākṣī madhurāpure
kāñcīpuryāṃ ca kāmākṣī laṃkāyāmapi śaṃkarī
mahālakṣmīḥ kollapure kanyākubje ca kubjikā
jālandhare mahādevī siṃhale siṃhakeśvarī
parvate pārvatī cakravāṭyāṃ māṇikyadevikā
ujjayinyāṃ mahākālī himādrau himarūpiṇī
śrīśaile bhramarāmbā ca vindhyādrau vindhyavāsinī
sumerau suprabhādevī yoginī yoginīpure
kāle ca kādraveyākhyā pūrṇakṣetre ca pūrṇikā
evamādīni śaktīnāṃ pīṭhāni subahūnyapi
skandācalaṃ kumārādrirhemakūṭastathaiva ca
ete skāndā mahāpuṇyā brahmavarcasadāstrayaḥ
jambīraśoṇanā 1)dākhyo gomantākhyamataḥ param
mahīpākhyanagaścaiva pañcamo droṇaparvataḥ
2) ete bhairavasānnidhyātsarvānuṣṭhānasiddhidāḥ
campakā naimiśāṃcaiva daṇḍakā ca guhāhvayā
dvaipāyanīyā badarī kadalīti tathāṣṭamī
ete puṇyatamā loke hyaraṇyāḥ puṇyasaṃjñakāḥ
iti śrīśivatattvaratnākare caturthakallole
pradhānadaśaśailatīrthakṣetravarṇanaṃ nāma dvitīyastaraṃgaḥ