Shivattvaratnakara 27.15

27.15

sahasraṃ syānmuṣṭimiṃtaṃ dve muṣṭī prasṛtiṃ viduḥ
prasṛtyordvitayaṃ caiva hyañjaliḥ kathyate budhaiḥ
añjalyordvitayaṃ caiva kuḍavaṃ parikīrtitam
caturbhiḥ kuḍavaiḥ prasthastaiścaturbhistathāḍhakam
caturbhirādhakairdroṇaṃ pañcabhistaistu bhārikā
māgadhaṃ mānamityuktaṃ mānavidbhirastu paṇḍitaiḥ
daśāṃguloddhitaṃ mānaṃ viśrutaṃ pañcabhistu yat
vijñeyaḥ puruṣāhāraścaturbhiḥ kuḍavastu taiḥ
iti mānaṃ samuddiṣṭaṃ dhānyaniṣkrayasādhanam
varāṭikānāṃ daśakadvayaṃ yat
sā kākinī tāśca paṇaścatasraḥ
te ṣoḍaśa dravyamihāvagamyaṃ
dravyaistathā ṣoḍaśabhiśca niṣkaḥ
tulyā yavābhyāṃ kathitā triguñjā
vahnistriguñjo dharaṇaṃ ca te'ṣṭau
gadyāṇakastadvayamindratulyaiḥ
vahnestathaiko dhaṭakaḥ pradiṣṭaḥ
etatpadyadvayenoktaṃ mānamuttaradeśajam
yoktraṃ dāmāviśakaṭaṃ 1)kūḍikāhalyā hikkā
lavitaṃ pālikā caiva karpopakaraṇaṃ viduḥ
anaḍvān dhānyavṛṣṭī ca subhūmiśca catuṣṭayam
kṛṣeḥ prādhānyakaṃ caitadekahīnaṃ na vai kṛṣiḥ
iti vaiśyoditā dharmāssasādhanamudīritāḥ
śuśrūṣaṇaṃ dvijagavāṃ devānāṃ cāpyamāyayā
tanna labdhena santoṣaśśūdraprakṛtayastimāḥ
prathamastvāśramāṇāṃ ca vratī gurvagnisevakaḥ
gṛhī dvitīyo vanagastṛtīyaḥ kṛcchrasādhanaḥ
caturtho bhikṣuruddiṣṭassarvasaṃgavivarjitaḥ
garbhāṣṭame'ṣṭame vābde brāhmaṇasyopanāyanam
āṣoḍaśābdaṃ viprasya kālamāhuśca gauṇakam
garbhādekādaśe'bde tu rājanyasyopanāyanam
ā dvāviṃśaṃ kṣatriyasya kālamāhurvipaścitaḥ
viśaścopanayaḥ prokto garbhādvādaśake tathā