Shivattvaratnakara 28.61

28.61

japecca praṇavaṃ nityaṃ yatātmā niyatendriyaḥ
ātmānaṃ cintayeccaiva nīlagrīvaṃ jaṭādharam
avyayaṃ paripūrṇaṃ ca sadānandaikavigraham
paṭhedrupaniṣadvākyaṃ vedāntārthaṃ vicintayet
paradhyānaparoyastu yatirvigatamatsaraḥ
sayāti paramānandaṃ paraṃ jyotissanātanam
kuṭīcako bahūdakṣa haṃsaḥ paramahaṃsakaḥ
iti sanyāsināṃ bhedāścaturdhā parikīrttitāḥ
jarayāvā''mayādyairvā saṃyukto vikalaścavā
kuṭiṃ kṛtvā gṛhābhyāśe vasedyassa kuṭīcakaḥ
prātaḥ prāhuṇe ca madhyāhne sāyāhne cā parāhṇake
vrativatsnāti yo bhikṣussarvadā sa bahūdakaḥ
yena kena cidācchanno yena kena ca vṛttimān
yatna kvacana śāyīca jñānahaṃsassa vai smṛtaḥ
bahissūtravinirmukto antassūtraparāyaṇāḥ
aśikhādaṇḍinaśśāntāssmṛtāḥ paramahaṃsakāḥ
kuṭīcakaśca sanyasya svasthe sadmani nityaśaḥ
bhikṣāmādāya bhuṃjīta svabandhūnāṃ gṛhe'tha vā
śikhāyajñopavītī syātridaṇḍassakamaṇḍaluḥ
bahūdakaśca sanyasya bandhuputrādivarjitaḥ
saptāgāraṃ caredbhaikṣamekānnaṃ tu parityajet
govālarajjusambaddhatridaṇḍaṃ śikyamuddharet
jalapātraṃ pavitraṃ ca khanitraṃ ca kṛpāṇikām
śikhāṃ yajñopavītaṃ ca devatārādhanaṃ caret
haṃsaḥ kamaṇḍaluṃ śikyaṃ bhikṣāpātraṃ tathaivaca
kanthāṃ kaupīnamācchādyamaṃgavastraṃ bahiḥ paṭam
ekantu vaiṇavaṃ daṇḍaṃ dhārayetparahaṃsakaḥ
parahaṃsastridaṇḍaṃ ca rajjuṃ govālanirmitām
śikhāṃ yajñopavītaṃ ca nityakarma ca saṃtyajet
mukhyasteṣāṃ yatiyauṃḍasau jñānaniṣṭhassunispṛhaḥ
dvitīyastattvaniṣṭhaśca tṛtīyaśśravaṇaspṛhaḥ
caturtho mantraniṣṭhasyātpañcamonopapadyate
caturṇāmapi varṇānāmāśramāṇāṃ ca sarvadā
niṣṭhā catuṣṭayaṃ caitatprāyeṇa na niṣidhyate
liṃganiṣṭhātu kartavyā lokasaṃgrahakāraṇāt
vijñātujñeyayoryastu yogaṃ paramahaṃsakaḥ