Shivattvaratnakara 29.18

29.18

gāyatrīṃ ca japetprātastiṣṭhannāsūryadarśanāt
tathaiva sāyamāsīno japedā ṛkṣadarśanāt
upāsya sandhyāṃ madhyāhne kṣipedarghyaṃ ca pūrvavat
brahmacārī gṛhasthaśca śatamaṣṭottaraṃ japet
vānaprastho yatiścaiva sahasrādadhikaṃ japet
prātarmadhyāhnayossnānaṃ vānaprasthagṛhasthayoḥ
yatestriṣavaṇasnānaṃ sakṛttu brahmacāriṇaḥ
nopāste yo dvijassandhyāṃ dhūrto martyo hyanārpāda
pāṣaṇḍassahi vijñeyassarvakarmabahiṣkṛtaḥ
yadīcchetsarvapāpāni hantuṃ niravaśeṣataḥ
maunenānnaṃ samaśnīyādagastyāśāśirāssvapet
dvijo nābhojyamaśnīyātpātraṃ naiva pīratyajet
saṃsthāpyacāsane pādau vastrārdhaṃ paridhāyavā
mukhena dhamitaṃ bhuktvā surāpītyucyate budhaiḥ
khāditārdhaṃ punaḥ khādenmodakāni phalāni vā
pratyakṣalavaṇāśītu gomāṃsāśī nigadyate
pīnāyaṃ pāyasaṃ bhaikṣaṃ ghṛtaṃ lavaṇameva ca
hastadattaṃ tu yo bhuṅkte tulyaṃ gomāṃsabhakṣaṇāt
sūpe vā paramānne vā ghṛtapātraṃ yadi kṣipet
taddhṛtaṃ surayā tulyaṃ tadannaṃ māṃsavadbhavet
āpośane cācamane peyadravyeṣu ca dvijaḥ
śabdaṃ na kārayedvidvān kuryāccennārakī bhavet
pathyaṃ hṛdyaṃ ca bhuñjīta vāgyato'nnamakutsayan
āyuṣyaṃ prāṅmukho bhuṅkte yaśasyaṃ dakṣiṇāmukhaḥ
śriyaṃ pratyaṅmukho bhuṅkte ṛtaṃ bhuṅkta udaṅmukhaḥ
pūjayedaśanaṃ nityamadyāccedamakutsayan
pūjitaṃ tvaśanaṃ nityaṃ balamūrjaṃ prayacchati
na caivātyaśanaṃ kuryādasvargyaṃ rogasādhanam
alābuṃ vartulākāraṃ vṛntākaṃ kundasannibham
prāṇānte'pi ca nāśnīyānmasūrātraṃ tuṣādikam
vṛntākaṃ ca kaliṃgaṃ ca bilvodumbarabhisraṭāḥ
udare yasya jīryante tasya dūra 1)tara śivaḥ