Shivattvaratnakara 29.34

29.34

atratsāyāḥ payo dhenvā daśahābhyantare ca yat
vatsāntaraprasrāvinyāḥ krāntāyā vṛṣabheṇa ca
āvikaṃ kārabhaṃ kṣīramapeyaṃ tadvivarjayet
uttarāpośanaṃ kṛtvā pavitraṃ tatra saṃtyajet
kṛtvā dvādaśa gaṇḍūṣān hastau pādau ca mārjayet
tatastvācamya viprendraśśāstracintāparo bhavet
supūgaṃ ca suparṇaṃ ca sucūrṇena samanvitam
pradāya dvijadevebhyastāmbūlaṃ carvayed budhaḥ
akhaṇḍitaṃ ca kramukamaprakṣālitaparṇakam
aśodhitaṃ ca yaccūrṇaṃ śakrasyāpi śriyaṃ haret
parānnaṃ naiva bhuñjīta paravādaṃ ca varjayet
pādena nākrametpādamucchiṣṭaṃ naiva laṃghayet
na saṃgatābhyāṃ pāṇibhyāṃ kaṇḍūyetātmanaśśiraḥ
pūjyaṃ devālayaṃ vāpi nāpasavyaṃ vrajed dvijaḥ
devārcā ca manasnānavrataśrāddhakriyādiṣu
na bhavenmukta keśaśca naikavastradharastathā
sadopavītinā bhāvyaṃ sadābaddhaśikhena ca
viśikho'nupavītī ca yatkaroti na tatkṛtam
keśaśmaśrunakhānāṃ ca vṛddhau kṣauraṃ tu kārayet
caturthī navamī ṣaṣṭhī caturdaśyaṣṭamī tathā
amāvāsyā ca daivajñaiḥ kṣaurakarmaṇi neṣyaṃta
saumejya śukrasaumyeṣu kṣamārogyasukhapradaḥ
kṣauraṃ proktaṃ vipaścidbhiḥ mṛge puṣye punarvasau
jyeṣṭhāśvinīkaradvandvarevatīṣu ca śobhanam
kṣaure rājājñayā jāte nakṣatraṃ naiva śodhayet
kṣaurakarmaṇyapi snāyādgaliteśśuddhavāribhiḥ
anyastriyaṃ na gacchecca paiśunyaṃ parivarjayet
nāpasavyaṃ vrajedvipramaśvatthaṃ ca catuṣpatham
na vadetparapāpāni svapuṇyaṃ naiva kīrtayet
na durjanaissahavasennāśāstraṃ śṛṇuyāttathā
āsanaṃcūtagateṣu dvijastu na ratiṃ vrajet
ārdrasthi ca tathocchiṣṭaṃ śūdraṃ ca patitaṃ tathā