Shivattvaratnakara 30.32

30.32

eṣa viprasya kathitaḥ prāyaścittavidhirdvija!
dviguṇaṃ kṣatriyasyoktaṃ triguṇaṃ tu viśassmṛtam
brāhmaṇaṃ hanti yaśśūdrastaṃ mausalyaṃ vidurbudhāḥ
rājñeva śikṣā kartavyā śāstreṣvevaṃ viniścitam
brāhmaṇīnāṃ vadhetadvardhaṃ pādassyātkanyakāvadhe
vadhetvanupānītānāṃ tathā pādavrataṃ caret
hatvā tu kṣatriyaṃ vipraṣṣaḍabdaṃ 1) vratamā caret
saṃtatsaratrayaṃ vaiśyaṃ śūdraṃ hatvā tu vatsaraṃ
dīkṣītasya striyaṃ hatvā brāhmaṇīṃ cāṣṭavatsaram
brahmahatyāvrataṃ kṛtvā śuddhobhavati niścitam
vṛddhāturastrībālānāṃmardhamuktaṃ manīṣibhiḥ
gauḍī paiṣṭī ca mādhvī ca vijñeyā trividhā surā
cāturvarṇyairapeyā syāttathā strībhiśca paṇḍitāḥ
kṣīraṃ ghṛtaṃ vā gomūtrameteṣvanyatamaṃ dvijāḥ
snātvārdravāsā niyato nārāyaṇamanusmaran
pakvāgnisannibhaṃ kṛtvā pibecca kuḍubaṃ tataḥ
taptalohena pādeṇa hmāyasenaiva vā pibet
tāmreṇa vātha pātreṇa tatpītvā maraṇaṃ vrajet
surāpī śuddhimāpnoti nānyathā śuddhiriṣyate
ajñānāccalavuddhyā tu surāṃ pītvā dvijaścaret
brahmahatyāvrataṃ samyakcihnaparivarjitam
yadi roganivṛttyartha mauṣadhārthaṃ surāṃ pibet
tasyopanayanaṃ bhūyastathā cāndrāyaṇadvayam
surāsaṃspṛṣṭamannaṃ vā surābhāṇḍodakaṃ tathā
surāpānasamaṃ prāhustayā cārdasya bhakṣaṇam
tālaṃ ca pānasaṃ caiva drākṣākharjūrasambhavam
mādhukaṃ śailamāriṣṭamaireyaṃ nārikeḷajam
gauḍī mādhvī surā madyamevamekādaśa smṛtam
eteṣvanyatasaṃ vipro na pibedvai kadācana
samakṣaṃ vā parokṣaṃ vā balāccauryeṇa vā tathā
parasvānāmupādānaṃ steyamityucyate budhaiḥ
suvarṇasya pramāṇaṃ tu manvādyairabhi bhāṣitam