Shivattvaratnakara 32.65

32.65

ityevaṃ vadatastasya vākyamākarṇya tādṛśam
sutaṃ dṛṣṭvā svaśayyāyāṃ bhrājamānaṃ nananda sā
praṇamantamamācārya śiroviracitāṃjalim
adhodaye tasya kaṇṭhe baddhvā liṅgātmakaṃ śivam
ayaṃ basavarājākhyo bhaktibhāṇḍagṛhaṃ bhavet
aprasādīkṛtaṃ cāsmai napra 1) meyaṃ kadācana
ityuktvā'ntaradhāddevassarvānvismāpaya 2) nniva
vṛṣendre saṃjāte basava iti nāmnā śivakathāsudhāsāndre candre madhuramadhuraissvairguṇagaṇaiḥ
papātorvyāṃ kalpadrumakusumavṛṣṭiḥ pariṇatā
prasādaṃ prāpāśāvalayamapi cittaissaha satāma
tasyopanayayogye tu kāle samupaseduṣi
janako mādhavācāryo mādāmbākhyā jananyapi
upanetumamuṃ putramayatetāṃ mahotsavaiḥ
tadā'yaṃ pitarau dṛṣṭvācacakṣe tādṛśodhamau
śṛṇutāṃ pitarau! premṇā saṃgameśo gururmama
liṃgasya dhāraṇaṃ vīraśaivadīkṣāṃ ca kārayan
anvagṛhṇāttato nārhaṃ mamopanayanādikam
ityanantaramunmucya tatkṣaṇātpūrvamāśra 3) yam
nirjagāmāgrajā tasya nāgāmbā saha niryayau
mātulo baladevo'sya mantrī bijjalabhūpateḥ
nāgāmbayā sahāyāntamaśṛṇodvasaveśvaram
abhigamya nijaṃ gehamānīya muditāntaraḥ
tataśca putrīṃ gaṃgākhyāṃ tasmai sa pratyapādayat
udvāhamaṃgalaṃ prāpya saṃgameśvaranāmakam
adhyuvāsa mahākṣetraṃ pavitramaticitrakṛt
atha yāti kiyatkāle baladevassvayaṃ tataḥ
jāmāturbasaveśasya sādṛśyaṃ vṛṣabheśvare
vilokitumiva prāyaśśivasannidhimanvagāt
tato bijjalabhūpālassvīyasya guṇaśālinaḥ
jāmātaramamātyasya śuśrāva basaveśvaram
tamānetuṃ yiyāsansa sāmājikamukhānnṛpaḥ
āgamaṃ vedayāmāsa so'pi taṃ pratiniryayau