Shivattvaratnakara 36.77

36.77

bhītaḥ kruddho'thavā nityaṃ māsādūrdhvaṃ na jīvati
niśi cāpaṃ divāṃcolkāmameghāśani saṃbhavām
yaḥ paśyenmriyate so'pi ṣaṇmāsācchaṃkaroditam
śaṃkhāvarte bhruvormadhye gulphayormarmasandhiṣu
spandanaṃ yasya naivāsti māsādūrdhvaṃ na jīvati
cakṣuṣī sravato nityaṃ na śṛṇotyapi niścitam
dīpagandhaṃ na jānāti māsārdhaṃ na sa jīvati
vinā śākhādrumaṃ pretaṃ piśācaṃ divyapātanam
yadi paśyati ca svapne daśa māsānna jīvati
oṣṭhayordhūsaratvaṃ ca tāludeśasya śuṣkatām
sandhau vā bhugnamāyāti ṣaṇmāsānna sa jīvati
bhajante yacchiro nityaṃ yūkā vā makṣikādayaḥ
tyajanti vātha nairāśyātṣaṇmāsaṃ na sa jīvati
kālajñānamidaṃ jñātvā tasya kurvīta vañcanam
yogābhyāsena mantrairvā dhyānairvātharasāyanaiḥ
varṣāṇyekādaśa brahmā śarīre vyāpyatiṣṭhati
tatoviṣṇuśca rudraśca dehamāvartate punaḥ
brahmakāle nābhidmame viṣṇukāle hṛdambuje
kaṇṭhābje rudrakāle tu dhyeyaṃ kālasya vañcanam
kālasaṃkarṣiṇīṃ vidyāmatirūpāṃ japettataḥ
kālo vimukhato yāti lakṣajāpe kṛte sati