Shivattvaratnakara 36.61

36.61

evaṃ rasāyanaṃ proktamadyāpattikaraṃ nṛṇām
itiprokto vayasstambhaḥ kālavañcanamucyate
puṣpaṃ phalasya dhūmo'gne rvarṣasya jaladodayaḥ
yathā bhaviṣyato liṃgaṃ riṣṭaṃ mṛtyostathā dhruvam
rūpendriyasvaracchāyāpraticchāyākriyādiṣu
anyeṣvapi ca bhāveṣu prākṛteṣvanimittataḥ
vikṛtiryā samāsena riṣṭaṃ tadiha kathyate
uttarābhimukhastho yo yadvijānāti lakṣaṇam
vimukhasstu vijñeyo sapta māsānna jīvati
śuddhaṃ nirmalamādityaṃ 1) nīraśmiṃ yadi paśyati
dvivarṣānte kṣayaṃ yāti nānyathā bhairavoditam
sitaṃ haritaraktaṃ vā saśūlaṃ bhānumaṇḍalam
yaḥ paśyati sadā so'yaṃ varṣādūrdhvaṃ na jīvati
ravibimbe jale dṛṣṭe sampūrṇe na mṛtaḥ kvacit
khaṇḍe dikṣu kramānmṛtyu 2) ṣṣaṭtridvityekamāsataḥ
madhye chidre daśāhena taddine dhūmasaṃkule
arundhatīṃ dhruvaṃ somaṃ chāyāṃ vāpi mahāpatham
yo na paśyati nistejā varṣānte mriyate dhruvam
sacchidro dṛśyate candrastathā vā 3) varṣaṇe raviḥ
dṛśyate niṣprabho vāpi yasyāsau mriyate tataḥ
sampūrṇo vahate sūryassomaścaiva na dṛśyate
pakṣānte jāyate mṛtyuḥ kālajñāne śivoditam
yasyavā snātamātrasya hṛtpadmaṃ pariśuṣyati
dhūmo vā mastake cāsti sapta māsānna jīvati
kṛṣṇaraktāni vastrāṇi raktamālyānulepanam
svapne ca labhate'kasmāt ṣaṇmāsānte na jīvati
bhaktiśīla guṇatyāgo buddhirbalamahetukam
yasyaitāni nivartante ṣaṇmāsānte na jīvati
aśiraskāṃ yadā paśyedātmacchāyāmathāpi vā
na kṛṣṇatārakāṃ paśyetṣaṇmāsānte na jīvati
rākṣasairbhūtavetālaiḥ śvānasūkaragardabhaiḥ
gṛdhraiḥ kākairulūkairvā mahiṣaiśca kramelakaiḥ
svapne veṣṭitamātmānaṃ paśyedabdaṃ na jīvati
svapne dehaṃ svakaṃ sthūlaṃ tailāktaṃ vātha paśyati