Shivattvaratnakara 76.128

76.128

purā devasudhāpānakāle padmaprabhāyutaḥ
bhūtale patito devi ! sudhāyā bindujālakaḥ
tatassasyakanāmābhūt pañcabhedasamanvitaḥ
dhavalò mecakaḥ pīto haritaścātilohitaḥ
rasasya rāgado leśamāveṇa na hi saṃśayaḥ
śataṃ sahasraṃ lakṣaṃ vā vedhayennātra saṃśayaḥ
dhavalò haritaścaiva tārakarmaṇi śasyate
lohito mecakaḥ pītaḥ svarṇe tu viniyujyate
māṣamātraṃ pradātavyaṃ nādhikaṃ dhīmatā sadā
nāgasya dravati kṣipraṃ sthirarāgasvabhāvataḥ
śilājaturdhātuvidbhirdvividhaḥ parikīrttitaḥ
gomūtrābhastatra pūrvo rasāyanamiti smṛtaḥ
karpūrapūrvakaścānyastattrādyo dvividho mataḥ
sasattvaścaiva nissattvastayoḥ pūrvo guṇādhikaḥ
grīṣme tīvrārkataptabhyaḥ pādebhyo himabhūbhṛtaḥ
svarṇarūpyārkagarbhebhyaśśilādhāturvinissaret
svarṇagarbhagarau jāto japāpuṣpanibho guruḥ
svalpatiktaśca susvāduḥ paramaśca rasāyana
rūpyagarbhagaraujāto madhuraḥ pāṇḍuro guruḥ
tāmragarbhagarau jāto nīlavarṇo gururdhanaḥ
śilājit kaphavātaghnastiktoṣṇaśca pramehajit
vahnau kṣipto bhavedyo'sau liṅgākāro hyadhūmakaḥ
salile'pyavilīnaśca sa siddho hi śilājatuḥ
samudreṇābhrinakasya jarāyūrbahirujjhitaḥ
saṃśuṣko bhānutāpena so'gnijāra iti smṛtaḥ
rasāścoparasāsteṣāṃ bhedāścaivaṃ samīritāḥ