Shivattvaratnakara 8.25

8.25

kṛmayo rudrasaṃkhyākāḥ pakṣiṇāṃ daśalakṣakam
triṃśallakṣāṇi paśavaścaturlakṣaṃ tu mānavāḥ
caturabhyadhikāśīti lakṣāṇi prāṇijātayaḥ
evaṃ nānāvidhā jīvā brahmāṇḍāntarnivāsinaḥ
brahmaṇo'ṇḍasya vistāraṃ śatakoṭisamucchrayam
vistareṇa pravakṣyāmi samāhitamanāḥ śṛṇu
adhaḥ kaṭāhasyocchrāya ekakoṭika ucyate
tasyopari mahān lokaḥ kālāgniritināmṛtaḥ
koṭiṣoḍaśakaścaiva taducchrāyaḥ prakīrtitaḥ
tadantaḥ kāñcanaṃ dhāma kālāgneḥ koṭirevatu
yatrāṃtakālatīkṣṇāṃśukoṭitejastathā vidheḥ
rudrairāste vṛtto devaḥ kālāgniriti viśrutaḥ
īśvaraḥ piṃgalaḥ kālaḥ krodhano jvalanaścalaḥ
dhanadaśśaṃkaro'nantapadmo dikṣvadha ūrdhvataḥ
sarvordhvavarti bhūtānāṃ yasminnudvṛttatejasā
bhayamutpadyate śaktyā saṃhartryā 1) bodhite 2) prabhau
tasya svabhāvato jvālā pravṛttā daśakoṭiśaḥ
yojanānāṃ tadardhena dhūmassāndro'ti dāruṇaḥ
kālāgnibhuvanādūrdhvaṃ tasyāntarvyāsa ucyate
dvātriṃśatkoṭayaścaiva yojanānāṃ tataḥparam
lakṣāṇyapi catuścatvāriṃśatparimitāni tu
triṃśatsahasrakaṃ caiva daśottaraśatāṣṭakam
tataḥpuṭāstrayāstriṃśat pratyekaṃca taducchrayaḥ
lakṣāṇi navatiścaiva dvātriṃśacca sahasrakam
śataṃ viṃśatirekañca yojanānāmudīritaḥ
antarālaṃ punasteṣāṃ pratyekaṃ lakṣamekakam
dvātriṃnnarakāsteṣu kīrtyante nāmato'dhunā
rauravadhvāntaśītoṣṇatāpāṃbujamahāṃbujāḥ
kālasūtro'ṣṭamodyete narakā iti viśrutāḥ
sūcyagrakālakhaḍgāśca kṣuradhārāṃvarīṣakau
taptāṃgāramahādāhau saṃtāpaścetiyemune!
3) bhramatyaṣṭāsu bībhatsā mahāśabdabhayānugāḥ