Shivattvaratnakara 89.115

89.115

hayāṅge pañcame jīve lābhe ravisitānvite
caturthe'ṣṭamage śuddhe saumaṅgalyādisampadaḥ
lagnāttvaṣṭamage pāpe madeśe nīcapāpage
vidhavā sā bhavennārī sadā kleśasamanvitā
dhanavyayagataiḥ pāpairuṣṭame saptame'pi vā
dyūna śubhaśubhairyukte sapāpaśvāṣṭame śaśī
vitte pāpagrahairyukte sā nārī vidhavā bhavet
madeśe svoccage koṇe śubhagrahanirīkṣite
śubhakṣetre śubhāṃśe vā sthite saumaṅgalaṃ bhavet
pañcame navame saumye vyaye bhārgavasaṃyute
sumaṅgalī ca subhagā rājapatnītvamāpnuyāt
gurau śukre mṛtāpatyā mṛtagarbhā ca maṅgale
aṣṭamasthā grahā nūnaṃ na striyāśśobhanapradāḥ
bhavanti ṣaṭ sutāstasyāḥ pañcamastho yadā raviḥ
maṅgale ca trayaḥ putrā gurau pañca prakīrttitāḥ
pañcamasthe niśanāthe striyāḥ kanyādvayaṃ bhavet
budhe kanyāścatasrastu śukre saptaiva kanyakāḥ
ṣaḍeva kanyā jāyante dharmasthāne yadā sthitaḥ
saptame ca yadā rāhustrayaḥ putrā bhavanti hi
karkaṭe madhyamaścāntyaḥ kīṭe prathamamadhyamau
makare prathamo bhāgo mīne'ntyāṃśāḥ śriyaḥ kalāḥ