Shivattvaratnakara 89.81

89.81

sūtrametatprayuñjīta saṃvādādāyurucyate
rāhuḥ ketuḥ pitari vā nīcabhe vāpi saṃsthite
pūrṇamalpataraṃ jñeyaṃ viparīte viparyayaḥ
dineśāvinaśukrau ca rājāyogakarāḥ smṛtāḥ
kārakasya trikoṇarkṣe yadā carati sāthavā
tadā teṣāṃ tu niryāṇamapamṛtyustathā śrayet
patnībhāvāt svasya pituścarābhyāṃ dhanabhāvataḥ
mukurarkṣadaśāṃ māturānayed buddhimānnaraḥ
tasmāttadīśaparyantasaṅkhyāmatra daśāṃ viduḥ
dehādhipena pāpe vā ṣaṣṭhāṣṭavyayage'pi vā
na dehasukhamāpnoti śatrave tatra rogavān
dehe pāpe dehape ca balahīne ca rogavān
vāhanādhipaterdehasambandho bhāgyapena cet
guruṇāpi ca sandṛṣṭo rājapūjyo bhaved dhruvam
kuṭumbaputrapau pāpayuktau śukreṇa saṃyutau
ṣaṣṭhāditriṣu saṃsthau ca tāvatsaṅkhyakalatrahā
kalatrakārakaḥ kendraṃ trikoṇaṃ vā gato yadi
svasthānaṃ teṣu caiko vā gata ekavivāhakṛt
gṛhādhipena dehasya dehapena gṛhasya vā
yogo bhavati cettasya veśmalābhassukhād bhavet
deheeśo netrasambaddhassa śukro netrahānidaḥ
ādityena tu jātyandhaścandreṇa tu niśāndhatā
vāksthānādhipavāgīśau ṣaṣṭhāritriṣu saṃsthitau
ṣaṣṭhādisthānepe hīne mūkatvaṃ ca bhaved dhruvam
dhanādhipe lābhagate lābheśe dhanamāgate
tādṛśau kendragau vāpi dhanalābha udīryate
vittalābhādhipe svocce svakṣetre mitrabhe'pi vā
lagnāt kendratrikoṇe vā vittalābhaṃ vinirdiśet
vitteśe cāribhāvasthe vyayeśe vittage'pi vā
lābheśe'ntyādirandhrasthe dhanahāniṃ vaded budhaḥ
candreṇa dehapenaiva dehasaṃbandhamāśritaḥ
vāhanādhipatistasya vāhanaṃ bhavati dhruvam
vidyāsthānādhipe jīve budhe kendratrikoṇage
vidyālābho vinirdeśyaśśāstreṣvapi ca vaktṛtā