Shivattvaratnakara 97.137

97.137

sa tamādāya samaica maṇḍalāni śanairvrajet
ṣoḍaśāṃgulakaṃ jñeyaṃ maṇḍalaṃ tāvadantaram
muktavāgniṃ mṛditavrīhiradagdhaśśuddhimāpnuyāt
antarā patite piṇḍe sandehe vā punarharet
satyena mābhirakṣasva varuṇetyabhiśāpyakam
nābhidaghnodakasthasya 1) gṛhītvā ruthakaṃ diśet
samakālamiṣuṃ muktamānīyānyo javī naraḥ
gate tasminnimagnāṅgaṃ paśyeccecchuddhimāpnuyāt
tvaṃ viṣaṃ brahmaṇaḥ putra ! satyadharme vyavasthitaḥ
trāyasvāsmādabhīśāpān satyena bhava me'mṛtam
evamuktvā viṣaṃ śārṅgaṃ bhakṣayeddhimaśailajam
yasya vegairvinā jīryecchuddhiṃ tasya vinirdiśet
devānugrān samabhyarcya tatsnānodakamācaret
saṃśrāvya pāyayettasmājjalāttu prasṛtitrayam
arvāk caturdaśādahno yasya no rājadaivikam
vyasanaṃ jāyate ghoraṃ sa śuddhassyānna saṃśayaḥ
vibhāgaṃ cet pitā kuryādicchayā vibhajet sutān
jyeṣṭhaṃ vā śreṣṭhabhāgena sarve vā samabhāginaḥ
yadi kuryāt samānaṃśān patnyaḥ kāryāssamāṃśakāḥ
na dattaṃ strīdhanaṃ yāsāṃ bhartrā vā śvaśureṇa vā
śaktasyānīhamānasya kiñcid datvā pṛthakkriyā
nyūnādhikavibhaktānāṃ dharmaḥ pitṛkṛtaḥ smṛtaḥ
vibhajeran sutāḥ pitrorūrdhvaṃ rikthamṛṇaṃ samam
māturduhitaraśśeṣamṛṇāttābhyo ṛte'nvayaḥ
pitṛdravyāvirodhena yadanyat svayamārjitam
maitramaudvāhikaṃ caiva dāyādānāṃ na tadbhavet
kramādabhyāgataṃ dravyaṃ hṛtamabhyuddharettu yaḥ
dāyādebhyo na taddadyādvidyayā labdhameva ca
sāmānyārthasamutthāne vibhāgastu samaḥ smṛtaḥ
anekapitṛkāṇāṃ tu pitṛto bhāgakalpanā
bhūryā pitāmahopāttā nibandho dravyameva vā
tatra syāt sadṛśaṃ svāmyaṃ pituḥ putrasya caivahi
vibhakteṣu suto jātassavarṇāyāṃ vibhāgabhāk
dṛśyādvā tadvibhāgaḥ syādāyavyayaviśodhitāt
pitṛbhyāṃ yasya yaddattaṃ tattasyaiva dhanaṃ bhavet