Shivattvaratnakara 98.1

98.1

iti śrīmadanāthānantasakalatattvottīrṇaṣaḍadhvopādānavindukāraṇa
cidambaraśaktisamanvitaparameśvaraprasādāsāditaśivādvaitavidyāviśārada
śrīmatkeladīvasavarājendraviracitavedāgamāntargatavividhavidyātantrasārabhūtaṃ
śrīśivatattvaratnākare aṣṭamakallole
vyavahārapadanisūpaṇaṃ nāma prathamastaraṅgaḥ
atha dvitīyastaraṃgaḥ
guro! yassamprati prokto vyavahārapadakramaḥ
sa śruto māmake citte niyataṃ parivartate
anyad bhadramahīpālacaritraṃ śrotumīhitam
tad brūhi viditāśeṣaviśeṣakaruṇānidhe
putra! te saṃpravakṣyāmi caritraṃ tasya saṃśṛṇu
evamasmin bahoḥ kālādavati kṣitimaṇḍalam
pūrvasyāṃ diśi sāmante rājyākramaṇakāṃkṣiṇi
sīmopāntasthitān durgaprākārān pratirundhati
senāpradhānamukhatastaṃ jitvā'yaṃ nyavartayat
dvijavannaiva santuṣyet svataḥ prāptena bhūpatiḥ
iti nītyā śātravīyarājyākramaṇakāṃkṣayā
nirgatya ṣaḍvidhaissākaṃ balairākramya cāmitaḥ
bhasmaśūnyamukhānveṣa prākārān sahasāgrahīt
tataḥ śauryasthitāṃścāpi śauryataḥ parikalpayan
tataścottarasāmantaṃ kaṇṭakatvamupeyuṣi
sthānamākramya śaraṇāgatāyāsmai yathāpuram