Shivattvaratnakara 98.9

98.9

bhṛṅgarājyāya tat sthānamadiśat kīrtivṛddhaye
svasthānakramaṇakleśapratīkāracikīrṣayā
vijayākhyapurasthāyī mlecchānāmadhināyakaḥ
ānītassahasā tena sāhāyyakavidhau yudhi
bhadrabhūpo na cāsmābhirvijetuṃ śakyate yudhi
ityālocyāmunā sandhiṃ vidhāya svapuraṃ yayau
anantaraṃ bhadrabhūpastīrtharājapurasthale
dānaṃ hiraṇyagarbhākhyamakarodīśatuṣṭaye
tataśśarāvatītīre rāmacandrapurasthale
tulāpuruṣadānaṃ sa sauvarṇaṃ samakalpayat
pitṛnāmnāgrahāraṃ ca śivarāmapurābhidham
bhuvaṃ visṛjya vipulāṃ viśeṣeṇa vyavardhayat
pitṛvyanāmnāpyakarodveṅkaṭāpuranāmakam
svanāmnāpyakarodramyaṃ bhadrarājapurāhvayam
uḍupakṣetrakṛṣṇasya subrahmaṇye guhasya ca
koṭīśvareśituḥ śrīśaṅkaranārāyaṇasya ca