Shivattvaratnakara 98.17

98.17

iṣṭadaivatasūkāmbānāmanyāśśaktyā maheśituḥ
devānāmetadādīnāmabhivardhya ca pūjanam
bhūruhāṇāṃ maṭhān kṛtvā tebhyaḥ kṣetrāṇi cādiśat
evaṃ dharmeṇa vasudhāṃ vahoḥ kālāt prapālayan
svānujaṃ prauḍhavayasaṃ rājyadhurvahanakṣamam
somaśekharanāmānaṃ manasā sampradhārayan
saviśeṣaṃ dhanurvidyāmupadiśya savistaram
tasmin rājyaṃ nikṣikṣepa dakṣe bhadramahīpatiḥ
vidyāmākhyāya viditāmupadeṣṭuṃ viśiṣyatām
jijñāsuriva sānnidhyaṃ paramasya guroragāt
yopadiṣṭā dhanurvidyā tāṃ tubhyaṃ varṇayāmyaham
eko'pi yanna nagare prasiddhaḥ syāddhanurdharaḥ
tato yāntyarayo dūraṃ mṛgāssiṃhagṛhādiva
ācāryeṇa dhanurdeyaṃ brāhmaṇe suparīkṣite
lubdhe dhūrte kṛtaghne ca mandabuddhau na dīyate
brāhmaṇāya dhanurdeyaṃ khaḍgaṃ vai kṣatriyāya ca
vaiśyāya dāpayet kuntaṃ gadāṃ śūdrāya dāpayet
dhanuścakraṃ ca kuntaṃ ca khaḍgaṃ ca churikā gadā
saptamaṃ bāhuyuddhaṃ cetyevaṃ yuddhāni saptadhā
ācāryassaptayuddhassyāccaturyuddhastu bhārgavaḥ
dvābhyāṃ caiva bhavedyoddhā 1) naikena guṇako bhavet
2) sarpaḥ punarvasuḥ puṣyaṃ rohiṇī cottarātrayam
anurādhāśvinī caiva revatī daśamī tathā
tṛtīyā pañcamī caiva saptamī daśamī tathā
trayodaśī dvādaśī ca tithayassyussamā 3) hitāḥ
sūryavāraśśukravāro guruvārastathaiva ca
etadvāratrayaṃ śastaṃ prārambhe śastrakarmaṇi
ebhirdinestu śiṣyāya guruśśastrāṇi dāpayet
santarpya homadānābhyāṃ surān vedavidhānataḥ
brāhmaṇān bhojayettatra kumārīścāpyanekadhā
tāpasānarcayedbhaktyā ye cānye śivayoginaḥ
gandhamālyairbhūṣaṇāyairguruṃ tatraiva pūjayet
kṛtopavāsaśśiṣyastu dhautavastraparigrahaḥ
baddhāñjalipuṭastatra yācayed guruto dhanuḥ
śiṣyāya dadyāccāpaṃ sa dhanurmantrābhimantritam