Ashtangasamgraha 12.103

12.103

sarve ca māṃsamatimedyaṃ meduraṃ tyajet | vyādhyādimiśca naṣṭasya māṃsaṃ tyajet | tathā svayamātmanaiva mṛtaṃ dhūmapūrṇaṃ dhūmena mṛtam | tathā agocarabhṛtaṃ agocare anyasmin viṣaye bhṛtaṃ | yathā jāṅgalamānūpe bhṛtamānūpaṃ ca jāṅgale | kṛśaṃ ca tyajet | sadyohataṃ vayasthaṃ sampūrṇāvayavaṃ śuddhaṃ tṛṇādibhiranupahataṃ adurgandhi ca śasyate ||
eṇādayaśca svavargeṣu pradhānāḥ | eṇakuraṅgahariṇaśaśā mṛgeṣu madhye agryāḥ varāḥ | lāvakapiñjalatittirikrakarā viṣkireṣu | śārikā pratudeṣu | nyaṅkurmahāmṛgeṣu | haṃso jalacāriṣu | rohitakacchapau vamrmī ca jalajeṣu | teṣvapi pradhāneṣu madhye pravarāḥ | eṇādiṣeṇaḥ | lāvādiṣu lāvaḥ | śvāviṅgodhyorgodhā | gṛdhramṛgādhipayoḥ siṃha iti ||