Ashtangasamgraha 13.197

Śaśilekhā 13.197

Language: Sanskrit

13.197

pīluphalaṃ pāke rase ca kaṭukaṃ, tīkṣṇatvādiguṇayuktaṃ, krimīdīnnāśayati | madhuramīṣattiktaṃ ca jātyā yat pīlu, tat nātyuṣṇavīryaṃ, tridoṣannaṃ ca | nīpādivikaṅkatantaṃ phalamasmāt saṃnihitasyānupīluto'lpāntaraguṇaṃ stokaguṇamityarthaḥ | nīpo dhūlikadambaḥ prācīnanagarakamalakasadṛśaṃ kṛṣṇalohitam | mātuluṅgaphalasya tvak rase tiktakaṭukā, snigdhā, vātanāśanī ca | māṃsaṃ tvaco'ntaḥ bṛṃhaṇaṃ, madhuraṃ, vātapittaharaṃ, guru ca | tasya mātuluṅgasya kesaramantarmāsabhavaṃ laghu kāsādīṃśca nāśayati ||

Previous: 13.192
Next: 13.203
Up: 13

Linked texts (1)

Aṣṭāṅgasaṃgraha — Vāgbhaṭa, Sanskrit