Ashtangasamgraha 16.88

Śaśilekhā 16.88

Language: Sanskrit

16.88

tathā ca vedavādina ekottaraṃ mṛtyuśataṃ bruvate | tatraika kālajaḥ | śatamāgantavaḥ | taiśca vedavādibhiḥ āyuṣo vṛddhikāśahetū coktau | tathā ca taiḥ śyenādinā ca yāgena bhrātṛvyasya śatrorvadho vihitaḥ | dīrghaśravasasomādinā cātmano vadhastairvihitaḥ | āyuṣkāmasya puruṣasya tatprāptirāyuṣprāptistairvedavādibhiḥ mitravindānāma yeṣṭyā vihitā | sarvasmādeva cātmānaṃ gopāyedrakṣediti teṣāṃ smṛtiḥ | yadi copāyāpekṣiṇyāyuṣaḥ sthitirna syāt tadaitatsarvaṃ na sambhavet |

Previous: 16.85
Next: 16.95
Up: 16

Linked texts (1)

Aṣṭāṅgasaṃgraha — Vāgbhaṭa, Sanskrit