Ashtangasamgraha 24.13

Śaśilekhā 24.13

Language: Sanskrit

24.13

śamanaṃ yaduktabhūtādhikyarahitaṃ nādho gacchati nāpyūrdhvameti kevalaṃ doṣaviparītaguṇameva tacca prakṛtivighātatvena pūrvamuktam | tenaitaduktam | śamanatvaṃ doṣaguṇavaiparītyāpekṣayā sarvasmin dravye sambhavati | na tvevaṃ śodhanatvam | tasya viśiṣṭabhūtādhikyahetutvāt | yatra tvekasminneva dravya ūrdhvagatvādhogatvaśamanatvānāṃ sambhavaḥ tatra yato bāhulyena kāryakartṛtvaṃ bhavati tato yadevādhikaṃ tadeva kāryakaramiti vyapadeśa ityarthaḥ | anyatsubodham |

Previous: 24.12
Next: 24.14
Up: 24

Linked texts (1)

Aṣṭāṅgasaṃgraha — Vāgbhaṭa, Sanskrit