Ashtangasamgraha 34.13

34.13

athetyādinā vamanavirecanayorupayogavidhānamāha | atheti maṅgale | sādhāraṇe yathokte kāle prāṅmukhamāturamauṣadhamātrāṃ pāyayediti sambandhaḥ | sādhāraṇa iti | svasthavṛttopalakṣaṇam | āturavṛtte tu vyādhyādivaśādmanamācaret | tatkālādyanurūpeṇaiva vidhānena | kiṃbhūtamāturaṃ pāyayedityāha | samyagityādi | śvaḥ chardayitavya ityetena vamanāt pūrvamekamahaḥ śleṣmotkleśakānprayogaṃ darśayati | nirannaṃ taddivasamakṛtabhojanaṃ vamanaṃ pāyayet | athavā īṣat stokamātraṃ snigdham | kiṃbhūtabhityāha | yavāṃgūmaṇḍena ghṛtamātrāṃ pītavantam | māvāśabdaḥ stokaparyāyaḥ | athavā bhīrukṛśādīnāturān doṣānuguṇyena kṣīratakrādīnāmanyatamaṃ pāyayitvā vamanaṃ pāyayet | ākaṇṭhagrahaṇam bahutvopalakṣaṇārtham | kāmauṣadhamātrāmityāha | yathāvyādhītyādi | vyādherdoṣasya dūṣyasya ca yā yasya sveṣu prakaraṇeṣu vihitā tām | tathā madhunā saindhavena ca yuktām | brāhmaṇaprayuktābhirvedavihitābhirāśībhirabhimantritām | svasthavṛttapakṣe āturagrahaṇaṃ tatkālāvasthayā vyākhyeyam | punaśca brahmetyādyabhimantritāṃ brahmetyādivaidavādimantraḥ | oṃ nama ityādi saugataḥ |