Ashtangasamgraha 50.36

Śaśilekhā 50.36

Language: Sanskrit

50.36

garbhasamānayogakṣemā hi yato garbhiṇī bhavati tatastāṃ priyahitaiḥ karaṇabhūtairavakṣyamāṇebhyo garbhavighātakarebhyo bhāvebhyo rakṣet | yathākramaṃ ca garbhiṇyā garbhabhāreṇāhārānādānāt garbheṇa cāhārarasāpahārāt balakṣayo bhavatyato balaṃ pālayediti tātparyārthaḥ | anyat subodham | yānaśabdena vāhanābhidheyena saha saṅkṣobhiśabdasya samāsaṃ kṛtvā tena saha kriyāvacanasya yānaśabdasya samāsaḥ | āsanaśabda utkaṭakādibhiḥ | prapātaśabdaḥ śvabhrakūpābhyām | apriyaśabdo'valokanaśravaṇābhyām | ādiśabdena sarveṣāṃ mithyāyogādīnāṃ grahaṇam | samāsataḥ saṅkṣepeṇocyate | atigurutīkṣṇatvādiyuktamannapānaṃ dāruṇāśca duḥkhāśceṣṭāḥ garbhopaghātakarāḥ |

Previous: 50.35
Next: 50.37
Up: 50

Linked texts (1)

Aṣṭāṅgasaṃgraha — Vāgbhaṭa, Sanskrit