Ashtangasamgraha 50.37
Śaśilekhā 50.37
- Language
- Sanskrit
50.37
tathā garbhopaghātarakṣaṇārthaṃ ca devatānanupaghātāya ca lohitavāsodhāraṇādīnna kuryāt | subodham | vivṛtānanā yā śete sā tathoktā | naktaṃ yā bahiḥ paribhramati sā tathā | durvapuṣamalasaprāyam | straiṇaṃ strīpriyam | bhīruṃ bhayaśīlam | apacitaṃ svalpabhogaśarīram | abhidhyāyinī nānācintāśīlā | stenā cauryaparā | aupadhikaḥ kapaṭajīvī | tṛṣṇāluḥ pipāsāsvabhāvaḥ | anavasthito vyākṣiptacittaḥ | kathanaṃ yaḥ supto nāsayā śabdaṃ karoti | raktapittī yasya prāyeṇa raktapittamutpadyate | subodham | yadvikārakāraṇāni garbhiṇyāsevate sā tadvikāramevāpatyaṃ prasūte | yāvanmātṛdoṣādgarbhavikṛtiḥ tāvat pitṛdoṣācchukradoṣādgarbhavikṛtirityapi vyākhyātaṃ kāraṇasāmānyāt| upasaṃharannāha |
Linked texts (1)
- Aṣṭāṅgasaṃgraha — Vāgbhaṭa, Sanskrit