Ashtangasamgraha 50.5

Śaśilekhā 50.5

Language: Sanskrit

50.5

tasyāśca vyaktagarbhāyā rajovahvāni srotāṃsi yaiḥ srotobhirmalabhūtaṃ raktamṛtukāle bahirvahati teṣāṃ vartmāni mārgāṇi mukhāni garbheṇa naikāhyādācchādyante tasmāt kāraṇāt tataḥ garbhasya vyaktībhāvāt paramārtavaṃ na pravarttate | yattu kadāciddṛśyate tadvaikṛtam | tadeva cārtavamadhogamane garbheṇa pratihatamāhārapariṇāmācca pratidinamupacīyamānaṃ garbhasyāśaya evāparā garbhaśayyākhyā sampadyata iti kecidāhuḥ | anye punarācāryāstadārtavaṃ jarāyubhāvena pariṇamatītyāhuḥ | tasminneva rakte sthite koṣṭha evāvaruddhe striyā nābheradho romarājiḥ prādurbhavati | tena romarājyāstadevajarāyoḥ sambandhi kāraṇamuktam |

Previous: 50.4
Next: 50.6
Up: 50

Linked texts (1)

Aṣṭāṅgasaṃgraha — Vāgbhaṭa, Sanskrit