Ashtangasamgraha 50.4

50.4

atheti prastāve | yonyā bījagrahaṇādikaṃ sadyogarbhāyāstatkāla prāptagarbhāyā nāryā lakṣaṇam | yonyā bījasya śukrasya grahaṇaṃ prasravābhāvaḥ | tṛptiḥ prāptagarbhāpekṣayā raṃtānabhilāṣitā śarīraprīṇanaṃ vā | gurutvamaṅgasya tasyaiva sphuraṇaṃ cālanam | śukrasyārtavasya vā parasparamanyenānanubandhanam | ananubandhanaṃ gabhāvitāraṇādinā pratibandhaḥ | hṛdutkleśayuktaḥ praseka eva hallāsaḥ | kālakrameṇa vyaktagarbhāyāḥ krameṇaiva kukṣigātrādigauravādi lakṣaṇam | krameṇeti yathā yathā pravarddhate tathā tathā kukṣigauravādayo bhavanti | kṣāmaśabdo netrasvarābhyāṃ ca sambadhyate | yoniromṇāṃ ca saṃlulanaṃ calanam | yoniromṇāṃ vā saṃlulanaṃ vyālolatā | teṣu teṣvanukteṣvapi svakalpiteṣu nānāvidheṣūccāvaceṣvaniyateṣu bhāveṣvāhāravihārādyupayogiṣvābhilāṣa iti vyaktagarbhāyā liṅgam | vyaktaḥ sphuṭo nātisampūrṇo garbho yasyāḥ |