Ashtangasamgraha 50.8

50.8

yathāsvamityādi | yathāsvaṃ pratyātma | garbhasyānyatamaliṅgasyānurūpā bhāvāḥ manasi śarīre ca santiṣṭhante | tenaitaduktaṃ bhavati | garbhasya sambhavata eva svakarmahetukā bhīrutvādayo manasyadhogurutvādayaśca śarīre santiṣṭhante | ye strīnapuṃsakahetavasta eva klaibyādayastyādīnāṃ vaiśeṣikāṇi liṅgāni | tathā ca klaibyādhogurutvādayastryākhyaṃ viśeṣamārabhante | aklaibyādhogurutvādayaḥ pumākhyamubhayasamatvena napuṃsakamiti | atasteṣāṃ vaiśeṣikaguṇatvam | atasteṣāṃ ca vaiśeṣikāṇāṃ liṅgānāṃ klaibyabhīrutvādīnāṃ strīpuṃsakāraṇānāṃ saṅkare miśrībhāve yato bhūyastvaṃ eṣāmeva vaiśeṣikāṇāṃ prabhūtatvaṃ tato'nyatarā bhāvāstaireva bhūyobhiranyatarasya striyāḥ puruṣasya vā bhāvaḥ| ubhayeṣāmapi bhūyastve napuṃsakasyeti |
nanu ke te bhāvāstvādyanyatamaliṅgasyānurūpā ityāha |