Hārīta's Compendium of Medicine 3.3.33: trayastriṃśo'dhyāyaḥ

3.3.33.1

ātreya uvāca
lavaṇāmlakṣārakaṭukairuṣṇasvedātidoṣataḥ
raktapittaṃ prakupyeta sa visarpī bhiṣagvara

In buffalo cows it is dāridra, and in deer it is mṛgaroga; / in goats and sheep it is named pralāpa, and in young camels it is alasa.

3.3.33.2

sa saptadhā parijñeyaḥ pṛthagdoṣaiśca dvandvajaiḥ
kevalo raktajastvanyaḥ sannipātena saptamaḥ

3.3.33.3

tathāpare pravakṣyante nāmāni ca pṛthakpṛthak
ājñeyo granthiko ghoraḥ kardamaśca tathāparaḥ

3.3.33.4

ājñeyo vātapittena granthikaḥ pittaśleṣmaṇā
kardamo vātaśleṣmottho ghoraḥ syātsānnipātikaḥ

3.3.33.5

raktaṃlasīkātvagmāṃsaṃ dūṣyaṃ doṣāstrayo malāḥ
visarpāṇāṃ samutpattau vijñeyāḥ saptadhātavaḥ

3.3.33.6

nyagrodhabilvakhadirakaṣāyo dhāvane hitaḥ
kāñjikāmlaiḥ picchilayā sauvīrakarasena vā

3.3.33.7

mātuluṅgarasenāpi dhāvanaṃ vātasarpiṣu
kṣīreṇa śītatoyena dhāvanaṃ pittasarpiṇi

3.3.33.8

śleṣmavisarpiṇe vātha dhavārjunakadambakam
dhāvanaṃ sarpiṇe śastaṃ surāsauvīrakeṇa vā

3.3.33.9

dhāvanañca hitaṃ tasya sannipāte visarpiṇe
yavāgnimanthaiśca śaṭhīnyagrodhaiśca sasarṣapaiḥ

3.3.33.10

kvāthaḥ syātsannipātotthavisarpadhāvane hitaḥ
pañcajīrakapitthāṃśca kāñjikena tu peṣayet
mātuluṅgarasenāpi lepanaṃ vātasarpiṇe

3.3.33.11

dhavā rodhratilāścailavidārīkaṇṭakaṃ tathā
lepaḥ pittavisarpe vā guñjāpatraistu lepanam

3.3.33.12

saindhavāriṣṭatumbīkāpaṭolapatrakairghṛtam
pācitaṃ lepane śastaṃ visarpāṇāṃ nivāraṇam

3.3.33.13

raktajeṣu visarpeṣu kuryādraktāvasecanam
paścāddhavakadambānāṃ sarvadā gṛhadhūmakam

3.3.33.14

lepane hitakṛtproktaṃ dhāvanaṃ kāñjikena tu
kuṭherakāśca surasā cakramardo niśāyugam

3.3.33.15

sarṣapāḥ kāñjikenāpi piṣṭvā ca lepanaṃ hitam

3.3.33.15.p1

ityātreyabhāṣite hārītottare tṛtīyasthāne visarpacikitsā nāma trayastriṃśo'dhyāyaḥ