The Compendium of Suśruta 1.39

Bhānumatī 1.39

Language: Sanskrit

1.39

idānīṃ paramāptapraṇītāyurvedādhyayanaphalaṃ śiṣyaprotsāhakamāha—svayambhuvetyādi | svayambhūbrahmā | paṭhedriti viśiṣṭārthānusaṃdhānataḥ paṭhet | puṇyakarmā iti puṇyahetuviśiṣṭapāṭhakarmā | pūjito nṛpairiti vyādhivimokṣaka tayā dhanasaṃmānādinā pūjitaḥ, etadaihikaṃ phalam; asukṣaye prāṇavigame śakrasalokatāṃ śakrasamānalokatāṃ vrajet, etacca pāralaukikaṃ phalam | yadā ‘śakrasulokatāṃ’ iti pāṭhastadā śakrapūjitalokatāmityarthaḥ |
iti śrīcakrapāṇidattakṛtāyāṃ suśrutatātparyadīpikāyāṃ bhānumatyāṃ sūtrasthāne prathamo'dhyāyaḥ |

Previous: 1.38
Next: 2.2
Up: 1

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit