The Compendium of Suśruta 22.11

Bhānumatī 22.11

Language: Sanskrit

22.11

idānīṃ pittasya cikitsopayogisvarūpamāha-pittaṃ tīkṣṇamityādi | saratīti saram | vidagdhaṃ cāmlamiti vidāhibhiramlādibhirdravyairuṣṇaiśca viruddhapākārthamamlarasaṃ ca bhavati amladharmatayā sasnehamapi svīkṛtamevātra carakoktam | tena kaṭukoṣṇādibhireva taijasaistanmate prākṛtaṃ kaṭurasaṃ ca janyate (dravatāyāmapi coṣṇagomūtrādāgneyatvaṃ) | carake tu prākṛtapittamapi kaṭvamlarasaṃ sasnehaṃ ca svīkṛtam | yaduktaṃ-"sasnehamuṣṇaṃ tīkṣṇaṃ ca saramamlaṃ dravaṃ kaṭu | pittaṃ” (ca. sū. a. 9) iti | tena yā pittasyāvidagdhātāvasthā ihoktā sā carake'pi prākṛtīkṛtyocyata iti nāsti vastugatavirodhaḥ |

Previous: 22.10
Next: 22.13
Up: 22

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit