The Compendium of Suśruta 36.28

36.28

agneḥ svakāryakaraṇe pavanasahāyamāha-prāṇāpānetyādi | atra prāṇāpānābhyāṃ praviśattiṣṭhadbhyāṃ vahneruddīpanaṃ bhastrādhmāpaneneva kriyate, tadetad 'dhmāpyate' ityanenoktaṃ; samānena tu vahnipārśvavartinā pālanaṃ kriyate | taduktaṃ - "samāno'gnisahāyavān" (ni. a. 1) iti | carake'pi- "samānenāvadhūto'gniḥ" ( ca. ci. a. 15) ityuktam | sarvata iti sarvamagnisyānaṃ vyāpya | svāṃ svāṃ gatimavasthitairiti avikṛtairityarthaḥ | ( agneḥ prādhānyaṃ darśayannāha-yuktetyādi | atraivārthe carakaḥ- "śānte'gnau mriyate yukte ciraṃ jīvatyanāmayaḥ | rogī syāt vikṛte, mūlamagnistasmānnirucyate" ( ca. ci. a. 15 ) iti | manākṛtīkṣṇāgnipraśaṃsāmāha-atimātramityādi | samaśnuta iti pathyāpathyasahitaṃ bhuñjānasya | divā ceti cakārādrātrau ca jāgrata iti labhyate ) |