The Compendium of Suśruta 36.32

Bhānumatī 36.32

Language: Sanskrit

36.32

vayojñānaphalaṃ kriyāviśeṣe'pyāha- agnītyādi | vireko'tra malavirecanatayā vamanavirecane | yaduktaṃ carake- "ubhayaṃ vā doṣamalavirecanādvirecanasaṃjñāṃ labhate" (ca. ka. a. 1) iti | tatsādhyeṣviti agnyādisādhyeṣu | mṛddhīmiti atīvrāṃ, tīvratvenāgnyādikriyā na kartavyaiva tāvat; tadekasādhye tu ajāpurīṣādimṛdvāśrayatayā mṛdvagnirapi vidheyaḥ, tathā kṣāro'pi āvāpapratīvāpaśūnyatayā mṛduḥ kāryaḥ, virecanādi caturaṅgulādikṛtaṃ mṛdu vidheyamityādyanusaraṇīyam | śanairiti mandam; etadapi bālavṛddhayorvedanāsahatvapratīkārārthaṃ jñeyam |

Previous: 36.31
Next: 36.33
Up: 36

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit