The Compendium of Suśruta 36.42

Bhānumatī 36.42

Language: Sanskrit

36.42

pariśiṣṭāṃ deśaparīkṣāmaha—deśastvityādi | tatra bahūdaketyādau bahuśabda udakādibhirgahanāntaiḥ pratyekamabhisaṃbadhyate | gahanaṃ vanam | bahavo mahānto vṛkṣāḥ parvatāśca yasmin sa tathā | ākāśasama iti āvarakabhūmivṛkṣaśūnyatāyā tathā nimnonnatābhāvena ca | praviralā alpāḥ kaṇṭakino vṛkṣāḥ yasmin sa tathā | prasravaṇaṃ nirjharam | udapānaṃ prasravaṇarandhraṃ kṛtataḍāgasaṃjñam | ubhayalakṣaṇa iti sādhāraṇaśītoṣṇavarṣatayā tathā sādhāraṇasvalpodakānimnonnataditayā ca jñeyaḥ |

Previous: 36.41
Next: 36.43
Up: 36

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit