The Compendium of Suśruta 47.22

47.22

kecit sitājagandhetyādinā yogān paṭhanti | ajagandhā yamānī | śarkaretyādau sitākṣaudrayorlehatvāpādanapramāṇā mātrā, tvakpatramaricānāṃ militvā trivṛccūrṇānāṃ pādikatvam | pacellehamityādau sitā palaṃ, kṣaudramardhakuḍavaṃ catuḥpalaṃ, trivṛccūrṇaṃ pādikam | trivṛdityādau śyāmā śyāmamūlā trivṛt | kṣāro yavakṣāraḥ | bījāḍhyetyādau bījāḍhyamiti supakvam | atra ca harītakyādīnāṃ phalānāṃ svarasāstailabhṛṣṭāḥ kartavyāḥ; tato'mlaphalamātuluṅgādirasairyojayitvā, punardhanatvaṃ yāvat pākaḥ | trivṛccūrṇakṣaudrayormilitvā pādikatvaṃ, trisaugandhyaṃ sugandhittvāpādanamātram | nīlītyādau taistrivṛttulyā, tairnīlītvagelātrivṛdbhiḥ śarkarā tulyā | atra hi carakaḥ–“śṛṅgailābhyāṃ samā nīlī taistrivṛttaiśca śarkarā | cūrṇaṃ phalarasakṣaudrayuktaṃ santarpaṇaṃ pibet” (ca. ka. a. 7) ityādi| saṃnipātanuditi doṣatrayanut || 16-22 ||